2 Makani 5:10 - Baibo Busansulushi Bwa Libuku Ili

¹⁰ Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi. Uko Mwaami Lesa wakapanga cipangano abene Isilaeli ndibakalinga kuswa kuIjipiti.

2 Makani 5:10 Marejeleo ya Msalaba

2 Makani 6:11

MuŊanda yakwe Lesa ndabikaamo Libokoshi lya Cipangano, umo muli mabwe apampamene a cipangano cakapanga Mwaami Lesa abene Isilaeli.”

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:19

Ono Mose ndyaakashika pafwaafwi amisumba akubona mucende mwaana alimwi abantu bakalinga kushana, wakakalala abuumbi. Mpomunyaawo panshi lya kalundu, mabwe apampamene ayo ngaakalinga kucite wakaawaala panshi, akupwaika.

Kulonga 34:1

Mwaami Lesa wakaambila Mose ayi, “Besa mabwe obilo apampamene mbuli ataanshi alya, lyalo ndyeshi nembewo maswi eenka alya akalinga pamabwe ataanshi ayo ngowakapwaya.

Kulonga 40:20

Kuswawaawo wakabwesa mabwe apampamene obilo akwaabika muLibokoshi lya Cipangano. Wakenjisha shisamu shakunyamwisha munkobeko sha Libokoshi lya Cipangano, akubika cifwekesho ca nkumbu pali ndilyo.

Dutolonomi 29:1

Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.