2 Makani 33:3 - Baibo Busansulushi Bwa Libuku Ili

³ Wakayakulula misena yakulambililaako ya patulundu iyo yakanyonyoola Esekiya ishi. Wakayaka ashipaililo shakulambililaawo Baali, kubumba cikoshanyo cakwe Ashela lesa mwanakashi alimwi akulambila nyenyeenshi.

2 Makani 33:3 Marejeleo ya Msalaba

1 Baami 14:23

Bakayaka misena yakulambililaako ya patulundu, bakeemikaawo amabwe akuyakawo shikoshanyo shakwe Ashela lesa mwanakashi kwaamba ayi kabalambila patulundu amunshaashisamu shicite shimfule shibotu.

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

2 Baami 21:3

Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

2 Baami 23:11

Wakakushaawo amaaki ayo bamaami ba bene Juda ngobakalinga kubenga kulisuba alimwi ashikoci nshebakalinga kusebensesha pakulambila lisuba. Shintu ishi shakalinga kwikala mulubansa lwa Ŋanda yakwe Lesa, pafwaafwi amwinjililo kuteshi kulaale apakalinga kwikala Natani Meleki uyo wakalinga wacinenenene.

2 Baami 23:4

Lyalo Josiya wakaambila Ilikiya mupailishi munene, bapailishi bakalinga kucafwa mupailishi munene alimwi abaabo bakalinga kulindilila kumwinjililo wa Ŋanda yakwe Lesa ayi balete shintu shoonse isho nshebakalinga kusebensesha pakulambila Baali, Ashela lesa mwanakashi alimwi anyenyeenshi. Mpeeke mwaami wakatenta shintu isho shoonse kunsengwe lya ndabala ya Jelusalemu, pafwaafwi aCinyika ca Kidiloni. Lyalo wakabwesa milota akwiitola kuBetelo.

2 Makani 28:24

Peculu lya waawo wakabwesa shintu shoonse sha muŊanda yakwe Lesa akushipwayoola. Lyalo kuŊanda yakwe Lesa wakacalaako akuyaka shipaililo mumisena moonse mwakalinga kupetukila nshila sha muJelusalemu.

2 Makani 30:14

Lyalo bakakusha shipaililo shoonse nshebakalinga kusebensesha muJelusalemu pakubenga milambu akutenta tununkila kabotu. Kuswawaawo bakaya mukushisowa muCinyika ca Kidiloni.

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

2 Makani 32:12

Sa teshi Esekiya mwiine wakanyonyoola misena yakulambililaako ya patulundu ashipaililo shakwe lesa uyo akwaambila bene Juda abene Jelusalemu ayi banoolambililabo kucipaililo comwi akutenta milambu kweenka uko?

2 Makani 33:15

Wakakusha balesa beensu akukusha cikoshanyo cakubesa muŊanda yakwe Lesa kubikaawo ashipaililo isho nshaakalinga wayaka pakalundu ka Ŋanda yakwe Lesa muJelusalemu. Lyalo shoonse wakashisowa kunsengwe lya ndabala.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Shikushimikila 2:19

Ino ngani ushi na muntu uyo ulaakunooli musongo nabi muluya? Nakubi boobo ulaakubwesa shintu shoonse nshendakayuwila pacishi ca panshi alimwi shakaswa mubusongo bwangu. Ici acalo taaku mbocibete.

Shikushimikila 9:18

Busongo mbubotu kwiinda shakulwanisha sombi mucita shibi womwi ulanyonyoola shintu shibotu shiinji.

Jelemiya 17:2

Bana banu abalo balayeeyabo shipaililo shanu alimwi ashikoshanyo shakwe Ashela lesa mwanakashi shili kulubasu lwa shisamu shicite shimfule shibotu alimwi apeculu lya tulundu tulaamfu.

Jelemiya 19:13

Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Milimo ya Batumwi 7:42

Sombi Lesa wakabafutatila akubaleka ayi banoolambila nyenyeenshi sha mwiculu, kweelana ambuli mbomulembetwe mulibuku lya balaluki bakulukulu ayi, ‘Mwebo nobene Isilaeli! Sa ndime mwakalinga kubengela milambu akupa shipo kwamyaaka makumi one muluyanga? Sobwe.

Dutolonomi 16:21

“Ono mwaakuyaka cipaililo ca Mwaami Lesa, Lesa wanu, mutakabikiwo cikoshanyo cakwe Ashela lesa mwanakashi wakubesa.

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.