2 Makani 32:5 - Baibo Busansulushi Bwa Libuku Ili

⁵ Lyalo wakasebensa cankusu kubamba lubumbu akuyaka maanda alaamfu kuli ndulo. Wakayakilaako lubumbu alumwi kunsengwe lya loolo. Wakashimpya musena uyo ngobakeelanya abulongo mbobakaleta kwicwe lya Ndabala yakwe Defedi. Wakapanga masumo aanji amayawo.

2 Makani 32:5 Marejeleo ya Msalaba

2 Samwelo 5:9

Mpeeke Defedi wakaya mukwikala mundabala ya mulilinga iyo akwiitumba ayi Ndabala yakwe Defedi. Lyalo wakayaka ndabala ya Jelusalemu kushinguluka lilinga. Wakatalikila kuMilo akuya mukushika kulilinga.

1 Baami 11:27

Cikani ici mbulya mbocakatalika. Solomoni wakalinga kubika bulongo mukweelanya kwicwe lya Jelusalemu akushinkashinka lubumbu lwa ndabala inene.

1 Baami 9:24

Lyalo mwanaakwe Falawo mwanakashi ndyaakaswa muNdabala inene yakwe Defedi kuya mukwikala kuŋanda Solomoni njaakamuyakila, Solomoni wakaleta bulongo akweelanishisha kwicwe lya ndabala inene.

2 Baami 12:20

Bacinenenene bakapinga kumucaya. Lyalo bakamucaya kuBeti Milo munshila yakuya kuSila.

2 Baami 25:4

Mpeeke bakatulula cilyango mulubumbu lwa ndabala. Nakubi kwaamba ayi bashilumamba bene Babiloni bakalinga kushingulukite ndabala inene iyo, bashilumamba bene Juda boonse bakamana kuloboka ciindi ca mashiku. Bakeenda mumuunda wa bwaami akuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

2 Makani 12:1

Kuswabo bwaami bwakwe Leoboamu ndibwakayuma, lakwe abantu bakwe bene Isilaeli bakacileka kukonkela Milawo ya Mwaami Lesa.

2 Makani 23:1

Mumwaaka wasanu ayobilo Jeoiyada mupailishi wakayumya moyo. Mpeeke wakapanga cipangano abamatanjilili ba bashilumamba bali mwaanda. Meena abo ngaaya: Asaliya mwanaakwe Jeloamu, Ishimaeli mwanaakwe Jeowanani, Asaliya mwanaakwe Obedi, Maaseiya mwanaakwe Adaya alimwi aElishafati mwanaakwe Sikili.

2 Makani 25:23

Jeowashi wakatola busha Amasiya kundabala ya Jelusalemu. Lyalo wakamwaya lubumbu lwa njiyo kuswa kumwinjililo wa Efuleemu kuya mukushika kumwinjililo wa Likonko, mushinso wa mamita ali mpashi 200.

2 Makani 26:8

Bene Amoni bakalinga kuleta musonko kuli Usiya, lyalo wakaba ankusu abulemu buunji cakwaamba ayi wakaya mpuwo kushika akucishi ca Ijipiti.

2 Makani 33:14

Pesule wakayaka lubumbu lwa Ndabala yakwe Defedi kumbo lya Kantupu ka Giyoni kulubasu lwa cinyika kuya mukushika kuMwinjililo wa Nswi. Kalundu ka Ofelo waakabika mukati ka lubumbu ulo ndwaakayaka cakululaampya kuya mwiculu. Lyalo wakabika bamatanjilili ba bashilumamba mumandabala oonse akalinga kucite malinga mucishi ca Juda.

Tushimpi 25:28

Muntu ulya utakoonshi kulicata, uli anga nindabala icite lubumbu lumwaikite.

Jelemiya 39:4

Mpeeke Sedekiya mwaami wa bene Juda abashilumamba boonse ndibakababona bakacica. Bakaswa mundabala mashiku akwiinda mumuunda wa bwaami kuya mukuswita kumwinjililo apo pakalinga kukumanina lubumbu. Lyalo bakacica kululama kuCinyika ca Joodani.

Jowelo 2:8

Pakati ka ncico takubi kupunkanapunkana. Nsoshi yomwi ayomwi ilalulamabo kuya kunembo. Cilapwaya malinga oonse, sombi cakutaswawo mumindando ya ncico.

Boomboloshi 9:6

Lyalo bantu ba kuShekemu akuBeti Milo bakabungana pantu pomwi kucisamu ca mubanga pafwaafwi alibwe lilaamfu kuShekemu. Lyalo bakabika Abimeleki pabwaami.