2 Makani 30:9 - Baibo Busansulushi Bwa Libuku Ili

⁹ Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

2 Makani 30:9 Marejeleo ya Msalaba

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Kulumbaisha 106:46

Lyalo wakalengesha bantu abo myoyo kubomba, abo bantu bakalinga babacata busha.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

1 Baami 8:50

Mubalekelele shibiibi shabo shoonse abwaashu bwabo kuli ndimwe. Amulengeshe balwani babo kubeendelesha cankumbu.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Jelemiya 18:17

Ndaakubapalanganishisha kunembo lya balwani babo bweenka mbuli muuwo wakwicwe. Lyalo ndaakubafutatila ncakwiila teshi nkabacafweewo baakupolelwa mapensho.”

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Kulumbaisha 111:4

Wakalengesha ayi milimo yakwe ikankamika inokwiibalukwa. Ncakwiila Mwaami Lesa ngushiluse alimwi ngushinkumbu.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Dutolonomi 4:31

Mwaami Lesa, Lesa wanu, ngushinkumbu. Teshi akamusuule nabi kumunyonyoola alimwi teshi akaluube cipangano ico lakwe mwiine ncaakapanga abamashali banu bakulukulu.

Dutolonomi 30:1

“Ono ntoomulwiita ayi cili kuli ndimwe nobeene kusala coolwe nabi mashingo. Na shoonse ishi shikamucitikile pakati ka mishobo iyo Mwaami Lesa, Lesa wanu nkweshi akamupalanganishishe, mulaakwiibaluka shakusala nshentoomulwiita.