2 Makani 30:8 - Baibo Busansulushi Bwa Libuku Ili

⁸ Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

2 Makani 30:8 Marejeleo ya Msalaba

2 Baami 23:26

Sombi bukali buyoosha bwa Mwaami Lesa bwakasonkomonwa pabene Juda ceebo ca ceeco cakacita mwaami Manase. Anu asunu asunu tacina kumana.

1 Makani 29:24

Bacinenenene boonse abashilumamba kubikaawo abana bakwe Defedi bakashomesha kunyumfwila Solomoni.

2 Makani 28:11

Amukutike! Aba mbomwacata busha mbamakwabanu. Amubaleeke banooya. Kwabula boobo bukali bwa Mwaami Lesa butoosa pali ndimwe.”

2 Makani 28:13

Bakaamba ayi, “Mutaleti basha abo kuno! Swebo twakabisha kale kuMwaami Lesa akumukalasha cakweelela kupekwa mulandu. Ono sa mulisuni kwiilikaawo ashimwi.”

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

2 Makani 6:5

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo alimwi nshikwe kusalaawo umwi ayi anoolela bantu bangu bene Isilaeli.

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

2 Makani 7:16

Ndeesala akwiisalasha ayi ube musena uyo ngweshi mukanoonambililaamo lyoonse alyoonse. Ndaakunooilama akwiitabilila ciindi coonse.

Esila 10:14

Bacinenenene besu abatwiimikanineeko. Kuswawaawo muntu uli woonse ukala mundabala yesu uyo weebete muswamashi akese paciindi cibambitwe, pantu pomwi abamaloba alimwi aboomboloshi ba mundabala yomwi ayomwi, tibili bukali buyoosha bwa Lesa wesu pacikani ici bukamane.”

Esila 10:19

Lyalo bantu aba bakashomesha kulekana abamakaabo alimwi bakabenga mbelele isankwa kuswa mulitanga ayi ngumulambu wakumana mulandu.

Kulumbaisha 63:2

Ntookumbwa kumubonaawo mumusena wanu usalalite, akubonaawo nkusu shanu alimwi abulemu bwanu.

Kulumbaisha 68:24

NobaLesa amubone likoto lya bantu banu lyaboneka. Ee, ndikoto lyakwe Lesa wangu alimwi Mwaami wangu litooya mumusena usalalite.

Kulumbaisha 68:31

KuIjipiti kulaakuswa beshikwiimikanina beendeleshi, bamucishi cakwe Kushi balaakulibombya kuli Lesa.

Kulumbaisha 73:17

kushikila ndindakenjila mumusena usalalite wakwe Lesa. Lyalo ndakeshiba kweshi kukaye bamucita shibi.

Kulumbaisha 78:49

Lesa wakabatondesha bukali buyoosha, bukali bumwibo, kufutatika moyo alupato isho shakesa pali mbabo anga ndikoto lya baanjelo beshikunyonyoola.

Kulonga 32:9

Lyalo Mwaami Lesa wakaambila Mose ayi, “Bushicimpamya bwa bantu aba ndishi mbobubete.

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Bene Loma 10:21

Sombi pabene Isilaeli, Lesa ulaamba ayi, “Bushiku boonse ndakatandabika maansaangu ayi mbooshe kumubili bantu batanyumfwili alimwi beshicimpamya.”

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Ciyubululo 7:15

Nceceeco ncebeemikanina kunembo lya cuuna ca bwaami cakwe Lesa alimwi balamusebensela malumwi amashiku muŋanda yakwe. Uyo ushiite pacuuna ca bwaami ulaakwikala ambabo alimwi akubalama.