2 Makani 30:2 - Baibo Busansulushi Bwa Libuku Ili

² Mwaami, bamatanjilili bakwe abantu boonse muJelusalemu bakayeeya kusekelela bushiku bwa Pasika bwakwiibaluka kusotokela mumweenshi wabili.

2 Makani 30:2 Marejeleo ya Msalaba

2 Baami 23:22

Takuna kubaawo kale kusekelela bushiku bwa Pasika bwakwiibaluka kusotokela kwa mushobo uyo muciindi ca bamaami ba bene Isilaeli aca bamaami ba bene Juda, kuswa ciindi boomboloshi ndibakalinga kulela cishi.

2 Makani 1:2

Lyalo mwaami Solomoni wakapa mulawo kubamatanjilili ba bashilumamba bali cuulu aba bali mwaanda, boomboloshi, bamatanjilili boonse ba bamumaanda a bene Isilaeli pantu pomwi abene Isilaeli bamwi boonse.

2 Makani 30:1

Esekiya wakatuma nkombe kubene Isilaeli abene Juda alimwi wakalemba makalata kubene Efuleemu akubene Manase. Wakabeeta ayi bese kuŊanda yakwe Lesa muJelusalemu mukusekelela bushiku bwa Pasika bwakwiibaluka kusotokela mukulemeka Mwaami Lesa, Lesa wa bene Isilaeli.

2 Makani 30:13

Mpeeke mumweenshi wabili bantu baanji baanji bakabungana muJelusalemu mukusekelela bushiku bwakulya Cimaande.

2 Makani 30:15

Pabushiku bwa likumi ashone mumweenshi wabili, bakacaya bana ba mbelele ba bushiku bwa Pasika bwakwiibaluka kusotokela. Bapailishi abene Lefi abo batakalinga kusalalite kweelana aMilawo, bakafwa nsoni akulisalasha. Lyalo bakaleta milambu yakutenta kuŊanda yakwe Lesa.

2 Makani 35:1

Mwaami Josiya wakasekelela bushiku bwa Pasika bwakwiibaluka kusotokela mukulemeka Mwaami Lesa mundabala ya Jelusalemu. Bana ba mbelele ba kusekelela uko bakacaikwa pabushiku bwalikumi ashone bwa mweenshi utaanshi.

Tushimpi 11:14

Na taaku butanjilili, mushobo ulafwa, sombi na kuli beshikupandako maano baanji, ncakwiila mushobo ulakoma.

Tushimpi 15:22

Miyeeyo teeswitilili na pabula shikukupandako maano, sombi na kwafula beshikukupandako maano ilaswitilila.

Shikushimikila 4:13

Ncibotu kuba acikula bwangu mukandu, sombi kaali musongo kwiinda kuba amwaami mucembele utanyumfwili kucenjeshekwa.