2 Makani 30:10 - Baibo Busansulushi Bwa Libuku Ili

¹⁰ Beshinkombe bakaya mumandabala oonse mucishi ca bene Efuleemu aca bene Manase akuya mukushika akucishi ca bene Sebuluni kumatwa. Sombi bantu bakalinga kubaseka akubaweluluka.

2 Makani 30:10 Marejeleo ya Msalaba

Matalikilo 19:14

Lyalo Loti wakaya kubasankwa bakalinga bamamikila bana bakwe banakashi akubalwiita ayi, “Amweendeshe musweemo muno. Mwaami Lesa utoonyonyoola musena uno.” Sombi balo bakayeeya ayi utoosekanabo.

2 Makani 30:6

Beshinkombe bakanyamuka kweelana ambobakatumwa amwaami alimwi abacinenenene bakwe kuya mucishi coonse ca bene Isilaeli aca bene Juda ankoombe yakwaamba ayi, “Nobene Isilaeli, mwebo nomwakapuluka kuswa mumaansa a bene Silya, amuboole kuMwaami Lesa, Lesa wakwe Abulaamu, Isaki alimwi wakwe Jakobo, alakwe utoobola kuli ndimwe.

2 Makani 34:9

Maali ayo beshikulindilila bene Lefi ngobakabwesa muŊanda yakwe Lesa bakaatola kuli Ilikiya mupailishi munene. Maali ayo akabwesekwa kubene Efuleemu, bene Manase alimwi abantu bamwi boonse bakacaalaawo mucishi ca Isilaeli, pantu pomwi abene Juda, bene Benjameni alimwi abene Jelusalemu.

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Neyemiya 2:19

Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

Esita 3:13

Beshinkombe bakatola makalata ayo kushipansha shoonse sha cishi. Makalata ayo akalinga kwaamba ayi banyonyoole, kucaya akulobya baJuda boonse, bacikula bwangu abamanene, banakashi abanike akusaala buboni bwabo boonse pabushiku bomwi. Bushiku ubo mbwalikumi anshiiku shotatwe bwa mweenshi walikumi ayobilo wiitwa ayi Ada.

Esita 3:15

Beshinkombe bakacita kweelana abwakaamba mwaami mukutola mulawo uyo mushipansha shoonse sha cishi amundabala inene ya Susa. Lakwe mwaami aAmani bakekala akutalika kunwa, sombi bamundabala ya Susa bakatalika kupilinganishikwa.

Esita 8:10

Modekayi wakalembesha makalata ayo muliina lya mwaami Sakisesi akuumawo ninga yakwe ya keshibilo. Mpeeke akatolwa abeshinkombe kabatantite maaki acica bunene ayo akashalwa mushimpati sha mwaami.

Esita 8:14

Aboobo beshinkombe bakaya kabatantite maaki a mwaami acica bunene. Bakafwambaana kweelana abwakabaambila mwaami. Mulawo uyu wakaambwa amuSusa ndabala inene ya mwaami.

Jobo 12:4

Anu ono ndababo shikusekwa akubeensuma boonse nakubi kwaamba ayi ndi muntu ululeme utacite kampenda. Nebo ndakalinga kusenga kuli Lesa alakwe wakalinga kunkumbula.

Jobo 9:25

“Nshiku shangu sheenda lubilo kwiinda muntu shikucica, shafwambaana kweenda kwakubula acibotu ncendabonaawo.

Jelemiya 38:19

Mpeeke mwaami Sedekiya wakaŋambila ayi, “Nebo ntooloonda baJuda abo bakaya mukuba kulubasu lwa bene Babiloni ceebo bene Babiloni inga baakungaba kuli mbabo abalo inga bampensha abuumbi.”

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 23:35

Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Luka 8:53

Sombi boonse bakamuweluluka mukwiinga bakalinga kwishi ayi wafwa kale.

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.