2 Makani 26:5 - Baibo Busansulushi Bwa Libuku Ili

⁵ Muciindi coonse ca buumi bwakwe Sekaliya uyo wakalinga kumwiishako makani akwe Lesa, wakalinga kusebensela Mwaami Lesa cakushomeka. Aboobo Lesa wakamulengesha kuswitilila.

2 Makani 26:5 Marejeleo ya Msalaba

Matalikilo 41:15

Mpeeke mwaami uyo wakamwaambila ayi, “Ndaloota alimwi taaku ukonsha kupandulula ciloto ico. Ono ndanyumfwa ayi webo ulakonsha kupandulula shiloto.”

Matalikilo 41:38

Mpeeke Falawo wakabaambila ayi, “Teshi tukacaneewo musankwa uli mbuli Josefu, uyo ucite Mushimu wakwe Lesa muli nguwe.”

2 Baami 15:34

Lakwe wakacita shiluleme pameenso a Mwaami Lesa bweenka bwakacita Usiya ishi.

1 Makani 22:11

Defedi wakatolelela akwaamba ayi, “Ono omwanaangu, Mwaami Lesa, Lesa wako abe awebo alimwi akulengeshe kuswitilila mukumuyakila Ŋanda kweelana ambwaakashomesha.

1 Makani 22:13

Na ukakonkele milasho amilawo yoonse iyo Mwaami Lesa njaakapa bene Isilaeli kwiinda muli Mose, ulaakuswitilila. Ulyeelete kuyuma akulishoma. Utakaloondi nabi kutyongola.

2 Makani 14:6

Muciindi ico wakayaka mandabala mucishi ca Juda akalinga kucite malinga. Kwamyaaka iinji tekwakalingawo nkondo mukwiinga Mwaami Lesa wakamupa luumuno.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 24:2

Wakacita shiluleme pameenso a Mwaami Lesa muciindi coonse ca buumi bwakwe Jeoiyada mupailishi.

2 Makani 25:8

Nabi mwaya mwalwana buyani cankusu, Lesa ulaakumwaaba mumaansa a balwani banu mukwiinga ngoocite nkusu shakumucafwa nabi shakumwaaba mumaansa a balwani banu.”

2 Makani 26:4

Wakacita shiluleme pameenso akwe Lesa bweenka bwakacita Amasiya ishi.

2 Makani 27:6

Jotamu uyo wakaba ankusu abulemu mukwiinga wakalinga kushomeka kuMwaami Lesa, Lesa wakwe akumunyumfwila.

2 Makani 29:1

Esekiya wakaba mwaami wa bene Juda kaacite myaaka makumi obilo amyaaka yosanwe. Wakalela muJelusalemu myaaka makumi obilo amyaaka yosanwe ayone. Esekiya wakalinga mwanaakwe Abija mwanaakwe Sekaliya mwanakashi.

2 Makani 32:30

Mwaami Esekiya ngowakashinkila Kantupu ka Giyoni akulengesha maanshi kukunkila kumbo lya Ndabala ya Defedi. Wakaswitilila mushintu shoonse nshaakacita.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 2:19

Ono mashiku ayo eenka cintu ico cishisitwe cakayubululwa kuli Danyelo mucili anga nciloto. Lyalo Danyelo wakalumbaisha Lesa wa kwiculu

Danyelo 5:16

Ono ndanyumfwa kwaamba ayi webo inga wakonsha kunyumfwisha shintu shoonse akusansulula shishisitwe. Ncakwiila na ukonshe kundwiita malembo aya ncaamba, utoofwalikwa shakufwala shifubelafubela alimwi ancetani ya golodi munshingo. Peculu lya waawo ulaakusumpulwa kuba muleli watatu mubwaami bwangu.”

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Milimo ya Batumwi 20:30

Nabi mulikoto lyanu nobeene, mulaakuswa bantu beshi bakaambe shabubeshi kwaamba ayi bakushe bantu kulushinisho bakakonkele mbabo.

Joshuwa 1:7

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Joshuwa 1:8

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.

Boomboloshi 2:7

Lyalo bantu bakasebensela Mwaami Lesa munshiku shakwe Joshuwa shoonse amunshiku sha bamaloba boonse abo bakatolelela kwikala Joshuwa ndyaakafwa. Nkokwaamba ayi boonse abo bakabona shaankamiko isho Mwaami Lesa nshaakacitila bene Isilaeli.