2 Makani 26:13 - Baibo Busansulushi Bwa Libuku Ili

¹³ Bashilumamba boonse abo mbobakalinga kutanjilila bakalinga 307,500 bacibwene kulwana alimwi bakalinga kulibambite kufuna mwaami kubalwani bakwe.

2 Makani 26:13 Marejeleo ya Msalaba

2 Makani 11:1

Ono Leoboamu ndyaakashika muJelusalemu, wakabunganya bashilumamba bali 180,000 kuswa mumukowa wa bene Juda awa bene Benjameni. Wakalinga kusuni kuya mukulwana mikowa ya bene Isilaeli yakumatwa kwaamba ayi abooshe bwaami bwakwe pamikowa iyo.

2 Makani 12:1

Kuswabo bwaami bwakwe Leoboamu ndibwakayuma, lakwe abantu bakwe bene Isilaeli bakacileka kukonkela Milawo ya Mwaami Lesa.

2 Makani 13:3

Abija wakabwesa bashilumamba bacibwene bakalinga 400,000 alakwe Jeloboamu wakabwesa bashilumamba bacibwene bakalinga 800,000.

2 Makani 14:7

Lyalo Asa wakaambila bene Juda ayi, “Atuyumye mandabala aya mukuyakilaako malinga, maanda alaamfu a beshikulindilila, minjililo alimwi ampingilo sha sheela. Tulicite nkusu shakweendelesha cishi ici mukwiinga twacita kuyanda kwa Mwaami Lesa, Lesa wesu. Wakatufuna akutupa luumuno kumbasu shoonse.” Aboobo bakayaka akuswitilila.

2 Makani 14:8

Mwaami Asa wakalinga kucite likoto lya bashilumamba bene Juda bali 300,000 abo bakalinga kucite mayawo anene amasumo. Wakalinga kucita alikoto lya bashilumamba bene Benjameni bali 280,000 abo bakalinga kucite mayawo amaata. Boonse aba bakalinga bashilumamba bacibwene kulwana.

2 Makani 25:5

Mpeeke Amasiya wakeeta bene Juda abene Benjameni boonse. Lyalo wakabapansaanya mumakoto kweelana ashipani shabo akubikaamo bamatanjilili ba bashilumamba ba bali cuulu aba bali mwaanda. Nkokwaamba ayi basankwa boonse bakalinga kucite myaaka makumi obilo akuya peculu abo bakalinga 300,000 pantu pomwi. Bashilumamba bakabwesekwa abo, boonse bakalinga kucibwene kulwanisha masumo alimwi amayawo.

2 Makani 26:12

Bamatanjilili ba bashilumamba boonse bakalinga 2,600.

2 Makani 26:14

Usiya wakapa bashilumamba bakwe mayawo, masumo, shimpoompo, shakufwala sha nkondo, mata, mifwi alimwi amabwe afupulwa kucipaya.