2 Makani 24:22 - Baibo Busansulushi Bwa Libuku Ili

²² Ono mwaami Joashi wakaluba shintu shibotu nshakamucitila Jeoiyada ishi Sekaliya akucaya mwanaakwe. Mwanaakwe uyo pakufwa wakaamba ayi, “Mwaami Lesa aabone ncemutoocita akumupa mulandu.”

2 Makani 24:22 Marejeleo ya Msalaba

Matalikilo 9:5

Na muntu watila bulowa bwa mubye, ulaakupekwa mulandu. Ndaakupa mulandu akucaya munyama uli woonse ucaya muntu.

Luka 11:51

kuswa kukucaikwa kwakwe Abelo kushikila kukucaikwa kwakwe Sekaliya, uyo wakacailwa pakati lya cipaililo alimwi aMusena Usalalite wa Ŋanda yakwe Lesa. Ee, ntoomulwiita ayi bantu ba cecino ciindi balaakupekwa mulandu pasheeshi shoonse!

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Joni 10:32

Sombi Jesu wakabaambila ayi, “Ndakamubonesha milimo ibotu iyo yakaswa kuli baTa. Ono pamilimo yoonse iyi, ngumulimonshi ngomutooyanda kunguminaawo mabwe?”

Kulumbaisha 10:14

Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

2 Timoti 4:16

Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Jelemiya 11:20

Lyalo ndakapaila ayi, “NoBaami baLesa beShinkusu shoonse, mwebo nomoombolosha cabululami akweelesha myoyo amiyeeyo ya bantu. Cikani cangu ndacitula mumaansaanu. Ono ntooyanda kumubona kamuboosha cishole pabantu aba.”

Tushimpi 17:13

Na muntu wapilusha cibiibi pacintu cibotu, kubisha teshi kukamanewo muŋanda yakwe.

Kulumbaisha 109:4

Balo balandwana nabi nebo ndibasuni, nabi bancite boobo, nebo ndabapaililako.

Matalikilo 42:22

Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

Joshuwa 22:23

Na twaliyakila cipaililo sobeene ayi tufutatile Mwaami Lesa, alimwi ayi tunoobengelaawo milambu yakutenta, shipo sha fulaulo, nabi milambu ya bwanabwankashi, Mwaami Lesa mwiine atupe mulandu.

Boomboloshi 8:35

Alimwi tabakwe kulumba bamuŋanda yakwe Gidyoni pashintu shibotu shoonse nshaakabacitila.

Kulumbaisha 9:13

NoBaami baLesa, amunyumfwile nkumbu. Amubone mbondapenga kubaabo bampatite. Amumfuune ayi mulyaango wa lufu utancalukili,