2 Makani 24:16 - Baibo Busansulushi Bwa Libuku Ili

¹⁶ Bakamubika kushuumbwe sha bamaami muNdabala yakwe Defedi ceebo ca shintu shibotu nshaakacitila bene Isilaeli, Lesa aŊanda yakwe.

2 Makani 24:16 Marejeleo ya Msalaba

1 Baami 2:10

Defedi wakafwa akubikwa mundabala inene ya Jelusalemu.

2 Baami 12:7

Mpeeke Joashi wakeeta Jeoiyada mupailishi abapailishi bamwi boonse akubeepusha ayi, “Ino tamutoobambulwitanshi Ŋanda yakwe Lesa? Ono kuswa sunu mutanoobika maali ayo ngomutambula. Mulyeelete kwaaleta kwaamba ayi Ŋanda yakwe Lesa ibambululwe.”

2 Makani 21:2

Jeolamu mwanaakwe Jeoshafati mwaami wa bene Juda wakalinga kucite bamakwabo basankwa bali bosanwe awomwi, nkokwaamba ayi, Asaliya, Jeiyelo, Sekaliya, Asaliyawu, Mikaeli alimwi aShefatiya.

2 Makani 21:20

Jeolamu wakaba mwaami kaacite myaaka makumi otatwe amyaaka yobilo. Wakalela muJelusalemu kwamyaaka yosanwe ayotatwe. Taaku wakoongumana pakufwa kwakwe. Bakamubika muNdabala yakwe Defedi, sombi kuteshi mushuumbwe sha bamaami, sobwe.

2 Makani 24:15

Lyalo wakacembela abuumbi akufwa kaacite myaaka ili mwaanda amyaaka makumi otatwe.

2 Makani 24:17

Sombi Jeoiyada ndyaakafwa, bamatanjilili bene Juda bakanyengelela mwaami Joashi ayi anoonyumfwila mbabo.

2 Makani 31:20

Mwaami Esekiya wakacita shiluleme alimwi shisangalasha Mwaami Lesa, Lesa wakwe mucishi coonse ca Juda.

Neyemiya 13:14

NobaLesa bangu, kamunjibaluka pashintu shoonse nshendakacitila Ŋanda yanu akulambila kwakalinga kuba kooko.

Maako 6:29

Bashikwiiya bakwe Joni Mubombeki ndibakanyumfwa cikani ici, bakaya mukubwesa mutuntu wakwe, akuya mukuufukila.

Milimo ya Batumwi 2:29

“Nobamakwesu, ndyeelete kumulwiitilisha kabotu pamakani amwaami wesu Defedi mukulukulu. Lakwe wakafwa akufukilwa, alimwi cuumbwe cakwe nkocicili abobulya.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.