2 Makani 24:12 - Baibo Busansulushi Bwa Libuku Ili

¹² Kuswawaawo mwaami aJeoiyada bakalinga kupa maali ayo kubaabo bakalinga kweendelesha mulimo wakubamba Ŋanda yakwe Lesa. Bakenjisha ncito beshikubesa mabwe, beshikubesa mapulanga alimwi abeshikufula sheela shakubambisha Ŋanda yakwe Lesa.

2 Makani 24:12 Marejeleo ya Msalaba

2 Samwelo 5:11

Ono Ilamu mwaami wa cishi ca Taya wakatumya beshinkombe, pantu pomwi aminkulwa ya shisamu sha sida, babeseshi ba mapulanga alimwi abeshikuyakisha mabwe. Mpeeke bakayakila Defedi ŋanda ya bwaami.

1 Baami 5:15

Solomoni wakalinga kucite abantu bali 80,000 bakalinga kupwaya mabwe alimwi abantu bakalinga 70,000 bakalinga kwaatuta.

2 Makani 24:11

Lyoonse bene Lefi bakalinga kutola libokoshi ilyo kubacinenenene ba mwaami abo bakalinga kweendelesha ncito iyo. Lyoonse na lyesula, mulembi wa mwaami alimwi ashikwiimikanina mupailishi munene bakalinga kwaasukumunaamo akuboosha libokoshi pamusena wa ndilyo. Munshila iyi bakalinga kubwesa maali aanji abuumbi.

2 Makani 24:13

Basebenshi boonse bakasebensa cankusu akumanisha kubamba Ŋanda yakwe Lesa. Yakaba bweenka mboyakalinga pakataanshi alimwi bakeeyumya abuumbi!

2 Makani 24:27

Mubusansulushi bwa libuku lya buumi bwa bamaami, mulilembetwe makani a bana bakwe Joashi, bulaluki bwapali nguwe alimwi ambuli mbwaakabamba Ŋanda yakwe Lesa. Lyalo Amasiya mwanaakwe ngowakapyana bwaami bwakwe.

2 Makani 34:8

Mumwaaka walikumi amyaaka yosanwe ayotatwe wa bwaami bwakwe, ndyaakamana kusalasha cishi aŊanda yakwe Lesa, Josiya wakatuma Shafani mwanaakwe Asaliya musankwa, Maaseiya mweendeleshi wa ndabala ya Jelusalemu alimwi aJowa mwanaakwe Joayasi wacinenenene kuya kuŊanda yakwe Lesa, Lesa wakwe mukwiibambabamba.