2 Makani 23:8 - Baibo Busansulushi Bwa Libuku Ili

⁸ Lyalo bene Lefi abene Juda boonse bakacita kweelana amilasho yakwe Jeoiyada. Bantu abo bakakomboka pabushiku bwa Cibelu tabakwe kupalanganishikwa ayi baye kumishaabo, nkokwaamba ayi mutanjilili wa bulishi womwi awomwi wakalinga abaabo bakalinga pabulishi alimwi abaabo bakakomboka.

2 Makani 23:8 Marejeleo ya Msalaba

2 Baami 11:9

Bamatanjilili abo bakanyumfwa shakaamba Jeoiyada mupailishi. Mpeeke bakaleta basankwa babo kuli nguwe, abo bakalinga kookesha paCibelu alimwi abaabo bakalinga kuya kuncito.

1 Makani 26:26

Shelomiti abeshikamukowa wakwe boonse bakalinga kulama maanda akusungilamo shintu shoonse shakabengwa kuli Lesa. Shintu isho shakabengwa amwaami Defedi, bamatanjilili ba bamumaanda abo bakalinga bamatanjilili ba bantu bali cuulu aba bali mwaanda alimwi abamatanjilili bamwi ba bashilumamba.

1 Makani 9:25

Beshikulindilila aba bakalinga kucafwikwa abeshikamukowa babo bakalinga kwikala mumishi. Bakalinga kupaana malishi a nshiku shosanwe ashobilo paciindi comwi acomwi na beetwa.

2 Makani 23:7

Bene Lefi balyeelete kulama mwaami Joashi cakunoomushingulukite amipeeni keeli mumaansa. Balyeelete kunooli akwe pafwaafwi cakutamushiila musena. Woonse weshi akenjile muŊanda yakwe Lesa, ngwakucayabo.”

2 Makani 23:9

Mpomunyaawo Jeoiyada wakapa bamatanjilili masumo amayawo shakalinga sha mwaami Defedi isho shakalinga kulaminwa muŊanda yakwe Lesa.