2 Makani 23:16 - Baibo Busansulushi Bwa Libuku Ili

¹⁶ Kuswawaawo Jeoiyada mupailishi wakaambila mwaami Joashi kwaamba ayi bantu boonse bacatane mukupanga cipangano kwaamba ayi babe bantu ba Mwaami Lesa.

2 Makani 23:16 Marejeleo ya Msalaba

2 Baami 11:17

Jeoiyada mupailishi wakalengesha ayi Mwaami Joashi abantu boonse bapange cipangano aMwaami Lesa kwaamba ayi babe ba Mwaami Lesa. Wakelengesha alimwi ayi mwaami Joashi abantu bapange cipangano.

2 Makani 15:12

Bakapanga cipangano ico ncebakasuminishanya kwaamba ayi banoolambila Mwaami Lesa, Lesa wa bamashali babo bakulukulu camoyo woonse abuumi bwabo boonse.

2 Makani 15:14

Muliswi lya peculu bakashomesha cakulumbila muliina lya Mwaami Lesa ayi balaakunoolama cipangano. Lyalo bakoolobesha akulisha mapeenga.

2 Makani 15:15

Bene Juda boonse bakalinga kukondetwe mukwiinga bakapanga cipangano amyoyo yabo yoonse. Bakalambila Mwaami Lesa cakusangalala alimwi alakwe wakabatambula akubapa luumuno kumbasu shoonse.

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Isaya 44:5

“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”