2 Makani 23:13 - Baibo Busansulushi Bwa Libuku Ili

¹³ Ndyaakashika, wakacana mwaami mupya uliimfwi kulicinko pamwinjililo wa Ŋanda yakwe Lesa kweelana akwishibila kwabo. Wakalinga kushingulukitwe abamatanjilili alimwi abeshikulisha mapeenga. Bantu boonse bakalinga koolobesha cakusangalala akulisha mapeenga. Mpomunyaawo Ataliya wakakwamoona shakufwala shakwe akwaamba ayi, “Bambukila! Bambukila!”

2 Makani 23:13 Marejeleo ya Msalaba

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Tushimpi 29:2

Na baluleme balela bantu boonse balasangalala, sombi na bamucita shibi balela bantu balatongooka.

Tushimpi 11:10

Baluleme na baswitilila bamundabala balasangalala. Na bamucita shibi bafwa, bantu baloolobesha cakusangalala.

Kulumbaisha 14:5

Ono bantu abo balaloonda abuumbi, ceebo Lesa uleenda abaabo baluleme.

2 Makani 34:31

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana amaswi a mucipangano alembetwe mulibuku ilyo.

1 Makani 15:27

Defedi lyalo wakafwala mungaanjo wa nsalu iteshimite bweenka mbuli bene Lefi abo bakanyamuna Libokoshi lya Cipangano, beshikwiimba alimwi aKenaniya uyo wakalinga kutanjilila bwiimbi. Defedi wakafwala acakufwala ciitwa ayi Efodi ca nsalu iteshimite.

1 Makani 15:24

Shebaniya, Joshafati, Netanelo, Amasayi, Sekaliya, Benaya alimwi aEliyesa bapailishi bakasalwa ayi banoolisha mapeenga kunembo lya Libokoshi lya Cipangano. Obedi Edomu alimwi aJeiya abalo bakasalwa ayi babe beshikulindilila Libokoshi lya Cipangano.

1 Makani 12:40

Abalo beshikamukobonyinaabo kuswa kucishi ca bene Isaka, ca bene Sebuluni alimwi aca bene Nafutali, bakabaletela shakulya pambongolo, ngamela, shifubwa shili anga nimbongolo alimwi abasune. Mpeeke fulaulo, shaampe sha nkuyu shakuyanika, shisankata sha minyansa yakuyanika, waini, mafuta a olifi, ŋombe alimwi ambelele isho nshebakaleta shakafula abuumbi. Bakacita boobo ceebo mucishi ca Isilaeli coonse mwakalinga kusangalala.

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

2 Baami 9:23

Jolamu wakapilulula cikoci cakwe, wacica akoolobesha ayi, “Aasiya bantu aba bambukila!”

2 Baami 9:13

Mpomunyaawo babye abo bakafuula shakufwala sha peculu akushiyala pamatantilo aŋanda kwaamba ayi Jewu eemikaneewo. Lyalo bakalisha mapeenga akoolobesha ayi, “Jewu ngumwaami!”

Boomboloshi 7:8

Aboobo Gidyoni wakabaambila boonse abo ayi baboolelebo kundabala, sombi wakacaashabo bali 300 abo bakabwesa shakulya amapeenga shakashiya babyaabo. Misumba ya bene Midyani yakalinga munkunamo ya kalundu mucinyika.

2 Baami 11:14

Ndyaakashika, wakacana mwaami uliimfwi kulicinko pamwinjililo wa Ŋanda yakwe Lesa kweelana akwishibila kwabo. Wakalinga kushingulukitwe abamatanjilili alimwi abeshikulisha mapeenga. Bantu boonse bakalinga koolobesha cakusangalala akulisha mapeenga. Mpomunyaawo Ataliya wakakwamoona shakufwala shakwe ceebo ca moyo kucisa akwaamba ayi, “Bambukila! Bambukila!”

2 Makani 23:12

Ataliya ndyaakanyumfwa ciyobeyobe ca bantu bakalinga kucica akusekelela mwaami, wakaya lubilo kuŊanda yakwe Lesa uko kwakalinga kubungene bantu.

2 Makani 23:14

Jeoiyada mupailishi taakalinga kusuni kwaamba ayi Ataliya acailwe muŊanda yakwe Lesa. Aboobo wakaambila bamatanjilili ba beshikulindilila ayi, “Amumutole pansengwe pakati ka mindando ya beshikulindilila. Ono mucaye muntu uli woonse weshi amukonkele.”

Esekelo 46:2

Muleli ulyeelete kwiinda kumwinjililo wakwicwe pakuswa kulubansa lwa pansengwe kwinjila mucipinda cakwinjililaako akuya mukwiimikana kushisamu sha kumwinjililo, bapailishi pakunoobenga milambu yakwe yakutenta alimwi amilambu ya bwanabwankashi. Ono muleli lakwe ulyeelete kulambilila kweenka uko kumwinjililo, amanisha nkokuboolela. Mwinjililo uyo tooelete kucaalwa kushikila macolesha.