2 Makani 23:11 - Baibo Busansulushi Bwa Libuku Ili

¹¹ Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Munshila iyo wakaba mwaami. Jeoiyada mupailishi pantu pomwi abana bakwe basankwa bakananika Joashi mafuta a bwaami. Mpeeke bantu boonse bakoolobesha ayi, “Mwaami kaabukila buumi!”

2 Makani 23:11 Marejeleo ya Msalaba

2 Samwelo 1:10

Aboobo ndakaya ndamucaya mukwiinga ndakalinga kumubwene ayi na awebo, utoofwa. Lyalo ndakabwesa mushini ngwaakalinga kufwete kumutwi wakwe ampatishi ya kumaansa akushileta kuli ndimwe nobaami bangu.”

2 Samwelo 16:16

Ushayi mwine Aki, mubye Defedi ushomeka, ndyaakakumana aAbusalomu wakoolobesha ayi, “Koendela buumi omwaami! Koendela buumi omwaami!”

2 Samwelo 5:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli.

1 Baami 1:25

Sunu bulya waya mukubenga bacende baanji, mbelele shiinji alimwi aboombe beenite. Watamba bana banu basankwa, Abiyata mupailishi alimwi aJoabu mutanjilili wa bashilumamba banu. Bulya batoosekelela akoolobesha ayi, ‘Eekale ciindi cilaamfu mwaami Adonija!’

1 Baami 1:34

Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

1 Baami 1:39

Sadoki wakabwesa musaashi mwakalinga mafuta a olifi ngaakakusha kuTente ya Cipangano akunanika Solomoni. Bakalisha lupeenga, bantu boonse bakoolobesha ayi, “Eekale ciindi cilaamfu mwaami Solomoni!”

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

2 Makani 22:11

Aasiya wakalinga kucite nankashi yakwe wa mubanyina bamwi wiitwa ayi Jeosheba uyo wakalinga kweebetwe kumupailishi wiitwa ayi Jeoiyada. Wakafuna mwanaakwe Aasiya musankwa wiitwa ayi Joashi cabushishi. Wakamukusha pabanaamwaami bamwi boonse abo bakalinga kweelete kucaikwa akumushisa kucipinda cakoonaamo muŊanda yakwe Lesa pantu pomwi amwanakashi shikumulela. Munshila iyo wakamushisa kuli Ataliya kwaamba ayi atacaikwi.

2 Makani 23:10

Beshikulindilila bakeemikana kushinguluka mwaami, womwi awomwi amupeeni mulyaansa lyakwe pafwaafwi acipaililo alimwi aŊanda yakwe Lesa kuswa kulubasu lwakumalenge kuya mukushika akulubasu lwakumatwa.

2 Makani 23:12

Ataliya ndyaakanyumfwa ciyobeyobe ca bantu bakalinga kucica akusekelela mwaami, wakaya lubilo kuŊanda yakwe Lesa uko kwakalinga kubungene bantu.

Kulumbaisha 132:18

Ndaakulensha nsoni balwani bakwe, sombi buleelo bwakwe bulaakuyuma akuswitilila.”

Kulumbaisha 21:3

Mwakamupa buumi mbwaakalinga kusenga, akumufwalika mushini wa golodi wiine wiine kumutwi wakwe.

Kulumbaisha 78:5

Wakapa milasho kubamuluyungu lwakwe Jakobo. Wakapa milawo kubene Isilaeli. Wakalwiita bamashali besu bakulukulu ayi banokwiisha bana babo milawo iyo.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulumbaisha 89:39

Mwakaka cipangano canu ncemwakapanga amusebenshi wanu. Mwabiika mushini wakwe wa bwaami mumatipa!

Kulonga 25:16

Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.

Kulonga 25:21

Lyalo ukabikemo mabwe apampamene ayo obilo akufwekawo cifwekesho peculu.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 8:16

Mwebo nobashikwiiya bangu, mulyeelete kulama akusunga kabotu maswi ayo Lesa ngwaandwiita.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Bene Ebulu 2:9

Sombi ngotubona nguJesu, uyo wakaceeshekwa kwiinda baanjelo paciindi ciniini, watambula mushini wa bulemu abwaami ceebo ca mapensho ngaakeendaamo ndyaakafwa. Cakaba boobo mukwiinga Lesa muluse lwakwe, wakasuna ayi Jesu afwite bantu boonse.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Ciyubululo 19:12

Meenso akwe akalinga anga ngumulilo utoonyaka, kumutwi wakalinga kufwete mishini iinji. Wakalinga kulembetwe liina ilyo muntu uli woonse ndyaateshi, sombibo mwiine eenka.

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 10:24

Mpomunyaawo Samwelo wakaamba ayi, “Sa mwamubona musankwa uyo Mwaami Lesa ngwaasala? Taaku aumwi uli mbuli nguwe pakati kesu.” Lyalo bantu boonse bakoolobesha ayi, “Abekale ciindi cilaamfu baami!”