2 Makani 22:7 - Baibo Busansulushi Bwa Libuku Ili

⁷ Lesa wakasebensesha kufwakasha uku kwakwe Aasiya kuli Jolamu kwaamba ayi bwaami bwakwe Aasiya bumane. Aasiya kaacili kooko, lakwe aJolamu bakapolelwa musankwa wiitwa ayi Jewu mwanaakwe Nimushi uyo Mwaami Lesa ngwaakasala ayi anyonyoole bamuŋanda yakwe Aabu.

2 Makani 22:7 Marejeleo ya Msalaba

2 Makani 10:15

Cakacitika boobo kweelana akuyanda kwa Mwaami Lesa kwaamba ayi nshaakaambila Jeloboamu mwanaakwe Nebati kwiinda muli Aija mulaluki wa kuShilo, shicitike cancinencine. Nceceeco mwaami Leoboamu ncaatakwe kubikila maano kubantu.

2 Baami 9:21

Mwaami Jolamu wakaamba ayi, “Cikoci cangu acibambwe cakufwambaana.” Cakabambwa, lyalo lakwe Jolamu mwaami wa bene Isilaeli aAasiya mwaami wa bene Juda bakantanta akuya mukukumanya Jewu, womwi awomwi mucikoci cakwe. Bakamukumanya mumuunda uyo wakalinga wakwe Naboti mwine Jesiliilu.

Malaki 4:3

Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Kulumbaisha 9:16

Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.

1 Baami 22:20

Mwaami Lesa wakeepusha ayi, ‘Ngani eshi akacenjeeke Aabu kwaamba ayi akacaikwe kuLamoti?’ Baanjelo bamwi bakaamba cikani comwi, ingayi bamwi bakaamba cimbi

1 Baami 19:16

Waakumana ukananike Jewu mwanaakwe Nimushi akumupa bwaami bwa cishi ca Isilaeli. Kuswawaawo ukaye ukananike Elisha mwanaakwe Shafati mwine Abelo Mewola ayi apyane ndiwe mubulaluki.

1 Baami 12:15

Cakacitika boobo kweelana akuyanda kwa Mwaami Lesa kwaamba ayi nshaakaambila Jeloboamu mwanaakwe Nebati kwiinda muli Aija mulaluki wa kuShilo, shicitike cancinencine. Nceceeco mwaami Leoboamu ncaatakwe kubikila maano kubantu.

Boomboloshi 14:4

Bashali bakwe tabakwe kwishiba ayi makani ayo aswa kuMwaami Lesa mukwiinga wakalinga kuyandoola pakubacanina mulandu bene Filisiti. Paciindi ico bene Filisiti mbobakalinga kulela bene Isilaeli.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

2 Baami 9:27

Mwaami Aasiya ndyaakabona shoonse shakacitika, wakacicisha cikoci akuya kundabala ya Beti Agani. Mpomunyaawo Jewu wakamutandaanya kaaya coolobesha ayi, “Amumucaaye alakwe!” Lyalo bakamucisa kaaya acikoci munshila yakuya kuGaa pafwaafwi andabala ya Ibuleyamu. Sombi wakalinga kuyabo tibili washika akundabala ya Megido uko nkwaakafwita.

2 Makani 22:6

Lyalo Jolamu wakaboolela kundabala ya Jesiliilu kwaamba ayi shilonda shakwe isho shiye shikooshe. Ono Aasilya mwanaakwe Jeolamu wakaya kuJesiliilu mukumubona.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

1 Baami 12:24

“Mutalwani bamakwabanu, ee, bene Isilaelinyinaanu. Kamuya kumishaanu noonsebo. Ico cacitika mukuyanda kwangu.” Lyalo boonse bakanyumfwila shakaamba Mwaami Lesa akuya mwabo mwabo.

2 Baami 10:11

Lyalo alakwe Jewu wakacaya bamulunyungu lwakwe Aabu bamwi boonse bakalinga kwikala muJesiliilu pantu pomwi abacinenenene bakwe, babye beene beene alimwi abapailishi. Ncakwiila taaku wakacaala kaali muumi.

Tushimpi 16:9

Muntu inga wayeeya nshila njaasuni kutola, sombi Mwaami Lesa ngootanjilila ntaamwa shakwe.