2 Makani 21:16 - Baibo Busansulushi Bwa Libuku Ili

¹⁶ Mpeeke Lesa wakalengesha bene Filisiti abene Alabu abo bakalinga pafwaafwi abene Kushi kunyamuka kuya mukulwana Jeolamu.

2 Makani 21:16 Marejeleo ya Msalaba

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

1 Baami 11:11

Aboobo Mwaami Lesa wakaambila Solomoni ayi, “Ono mukwiinga wapwaya kashanga cipangano ncendakapanga awebo akusuula milasho yangu yoonse, ntooshomesha ayi ntookunyaya bwaami bwako akubupa wacinenenene wako womwi.

1 Baami 11:14

Paciindi ico Mwaami Lesa wakalengesha Adadi wa kumukowa wa bwaami bwine Edomu kwaamba ayi abukile Solomoni.

1 Baami 11:23

Lesa wakalengesha Lesoni mwanaakwe Eliyada ayi alakwe abukile Solomoni. Lesoni wakaloboka kumwaami wakwe, Adadesa mwaami wa kuSoba.

2 Makani 17:11

Bene Filisiti bamwi bakaletela Jeoshafati silifa uunji ashipo shimwi. Abalo baAlabu bakamuletela mbelele shili 7,700 ampongo shili 7,700.

2 Makani 22:1

BaAlabu bamwi bakaya mukusaala, mpeeke bakacaya baana boonse ba mwaami Jeolamu kushiyakobo Aasiya shikeela. Lyalo bene Jelusalemu bakabika Aasiya pabwaami mumusena wa baishi.

2 Makani 26:7

Lyalo Lesa wakamucafwa kuya mukukoma bene Filisiti, baAlabu bekala kuGeli Baali alimwi abene Meyuni.

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

Esila 1:1

Mumwaaka wakutaanguna wa bwaami bwakwe Sailasi mucishi ca Pesha, mukulengesha maswi a Mwaami Lesa ayo akaamba Jelemiya kucitika cancinencine, Mwaami Lesa wakaambila Sailasi ayi aambilishe mulawo uyo alimwi akuulemba ayi ubelengwe mubwaami bwakwe boonse.

Esila 1:5

Aboobo bamanene ba shipani sha mumukowa wakwe Juda awakwe Benjameni, bapailishi abene Lefi alimwi abaabo boonse Lesa mbaakalengesha myoyo kupya, bakalibambila kuya mukuyaka Ŋanda ya Mwaami Lesa muJelusalemu.

Jowelo 3:5

Mwakabwesa silifa agolodi wangu pantu pomwi abuboni bwangu bumwi bwa makwebo akushitola mumaandaanu akulambililaamo.

Amosi 1:6

Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.