2 Makani 21:10 - Baibo Busansulushi Bwa Libuku Ili

¹⁰ Kuswabo ciindi ico bene Edomu bakaashukila bene Juda kushikila sunu. Muciindi ico ceenka bamundabala ya Libina abalo bakaashuka mukwiinga Jeolamu wakacileka kulambila Mwaami Lesa, Lesa wa bamashali bakwe bakulukulu.

2 Makani 21:10 Marejeleo ya Msalaba

1 Baami 11:31

Mpomunyaawo wakaambila Jeloboamu ayi, “Bwesawo shipansha shili likumi shibe shaako mukwiinga Mwaami Lesa, Lesa wa bene Isilaeli waamba pali ndiwe ayi, ‘Ntoonyaya Solomoni bwaami akubika mikowa ili likumi mumaansaako.

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

2 Baami 19:8

Mutanjilili wa bashilumamba ba bene Asilya wakanyumfwa ayi mwaami wa bene Asilya waswa kuLakishi mukulwana ndabala ya Libina iyo yakalinga pafwaafwi. Mpomunyaawo wakaya uko mukumwiipusha shakucita.

2 Makani 13:10

“Sombi swebo Mwaami Lesa, ngoLesa wesu alimwi tatumushiiyi. Tulicite bapailishi ba mulunyungu lwakwe Aloni mbobasebensela Mwaami Lesa akucafwikwa abene Lefi.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 21:11

Wakayaka misena yakulambililaako ya patulundu mucishi ca tulundu ca Juda akulengesha bene Juda abene Jelusalemu kubisha pameenso a Mwaami Lesa.

2 Makani 21:8

Mubwaami bwakwe Jeolamu, bene Edomu bakabukila bene Juda akusala mwaami wabo beene.

2 Makani 21:9

Mpeeke Jeolamu abamatanjilili bakwe ba bashilumamba bakanyamuka ashikoci akuya mukulwana bene Edomu. Uko bashilumamba bene Edomu bakabashinguluka, sombi mashiku bakaloboka boonse.

2 Makani 28:6

Peka, mwaami wa bene Isilaeli, mwanaakwe Lemaliya wakacaya bashilumamba bene Juda bali 120,000 mubushiku bomwi. Wakacita boobo mukwiinga bene Juda bakafutatila Mwaami Lesa, Lesa wa bamashali babo bakulukulu.

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Joshuwa 10:29

Lyalo Joshuwa abashilumamba boonse bakaswa kuMakeda akuya kundabala inene ya Libuna akwiilwana.

Joshuwa 21:13

Ono bamulunyungu lwakwe Aloni mupailishi bakabapa Ebuloni, ndabala yomwi ya aayo akulobokelaako kuwooyo wacaya muntu mumapuso, Libuna,

Boomboloshi 10:13

Sombi nebo nendakamucafwa mwakamfutatila akutalika kusebensela balesa bamwi. Aboobo ndakaaka, teshi mufuneewo alimwi, sobwe.