2 Makani 20:7 - Baibo Busansulushi Bwa Libuku Ili

⁷ Mwebo ndimwe baLesa besu. Bene Isilaeli ndibakesa muno mucishi, mwakatandaanya bantu abo bakalinga kwikalaamo. Lyalo mwakapa cishi cabo kubamulunyungu lwakwe Abulaamu, shicibusa wanu, ayi cibe caabo kwalyoonse aLyoonse.

2 Makani 20:7 Marejeleo ya Msalaba

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 20:8

Bakekalaamo akuyaka Ŋanda yanu mukumulemeka

Neyemiya 9:8

Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Kulonga 33:2

Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Joni 11:11

Jesu ndyaakamana kwaamba boobo, wakaambila bashikwiiya bakwe ayi, “Mubyeesu Lasalo ulilete, sombi ntooya nkamubushe.”

Joni 15:15

Teshi kamwiiteewo ayi basebenshi ceebo musebenshi taashibi shitoocita mwaami wakwe. Sombi ntoomwiita ayi babyaanji ceebo shoonse nshendakanyumfwa kuli baTa, ndakamulwiita.

Dutolonomi 4:38

Ndimwakalinga kuya ceenda Mwaami Lesa wakalinga kutanda shishi shinene alimwi shiindaawo nkusu pali ndimwe kuswa kunembo lyanu kwaamba ayi amunjiishe akumupa cishi cabo ico cicili caanu abobulya.

Jemusi 2:23

Ono cakacitika cancinencine kweelana aMalembo akwe Lesa aamba ayi, “Abulaamu wakashoma Lesa, aboobo kwiinda mulushomo lwakwe, Lesa wakamubona ayi uliluleme akumutambula.” Paceebo nceeco Lesa wakamwaamba ayi ngumubye.

Joshuwa 1:6

Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Joshuwa 23:9

Mwaami Lesa wakalinga kutanda mishobo iyoosha alimwi icite nkusu kuswa kunembo lyanu. Taaku nabi womwi wakakonsha kumukoma.

Joshuwa 24:13

Munshila iyo ndakamupa cishi ico ncemutakwe kusebensela amandabala anene ngomutakwe kuyaka. Mulekalaamo akunoolya minyansa alimwi amaolifi nshemutakwe kushanga.’ ”

Joshuwa 24:3

Lyalo ndakabwesa Abulaamu, mushali wanu mukulukulu, kuswa mucishi cili kwitala lya Mulonga wa Yufuletisi akumutanjilila kuya mucishi coonse ca Kenani. Ndakamupa bamulunyungu lwakwe baanji. Ndakamupa Isaki,