2 Makani 19:11 - Baibo Busansulushi Bwa Libuku Ili

¹¹ Amaliya mupailishi munene ngweshi akanoomweendelesha mukoombolosha milandu ikumya kuMwaami Lesa, alakwe Sebadiya mwanaakwe Ishimaeli, mweendeleshi wa bene Juda ulaakunoomweendelesha mukoombolosha milandu ikumya kumwaami wanu. Bene Lefi balo balicite mulimo wakubona ayi shintu shaambwa munkuta shitokweenda kabotu. Kamucita shintu cakubula boowa akucita kweelana amilasho iyi. Mwaami Lesa aabe abaabo bacita shiluleme!”

2 Makani 19:11 Marejeleo ya Msalaba

1 Makani 22:11

Defedi wakatolelela akwaamba ayi, “Ono omwanaangu, Mwaami Lesa, Lesa wako abe awebo alimwi akulengeshe kuswitilila mukumuyakila Ŋanda kweelana ambwaakashomesha.

1 Makani 22:16

sha golodi, silifa, bulonse alimwi asha sheela shilemulemu. Ono bulya talika mulimo uyu. Mwaami Lesa abe awebo.”

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

1 Makani 26:30

Kuswa pabamulunyungu lwakwe Ebuloni, Ashabiya abamulunyungu lwakwe bali 1,700, basankwa bacibwene mumulimo, bakasalwa kweendelesha shakulambila shoonse alimwi ashacishi muIsilaeli kulubasu lwa kumbo lya Joodani.

1 Makani 26:32

Mwaami Defedi wakasala bamatanjilili bacibwene ba bamumaandaabo bali 2,700 kuswa kubeshikamukowa bakwe Jeliya. Mpeeke bakababika mumulimo wakweendelesha shakulambila shoonse ashacishi muIsilaeli kulubasu lwakwicwe lya Joodani. Bakalinga kucita mulimo wabo pakati ka mukowa wakwe Lubeni, Gadi alimwi amusa wa mukowa wakwe Manase.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

1 Makani 6:11

Asaliya wakashala Amaliya, Amaliya wakashala Aitubu,

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

2 Makani 19:6

Wakabaambila ayi, “Kamucenjela pakoombolosha milandu mukwiinga tamutokoomboloshela muntu, sombi mutokoomboloshela Mwaami Lesa uyo uli amwebo pakoombolosha.

2 Makani 19:8

Lyalo muJelusalemu Jeoshafati wakasala bene Lefi bamwi, bapailishi bamwi alimwi abamatanjilili ba bamumaandaabo bamwi ayi banokoombolosha milandu yakusotoka Milawo ya Mwaami Lesa akumana kupusana pakati ka bantu abo bakalinga kwikala muJelusalemu.

Esila 7:5

Buki wakashalwa kuli Abishuwa, Abishuwa wakashalwa kuli Fineyasi, Fineyasi wakashalwa kuli Eliyasa, Eliyasa wakashalwa kuli Aloni.

Kulumbaisha 112:5

Shibotu shilaya kumubotu moyo ukongwesha cakutalangila mpindu. Ee, shilaya kumuntu uyo weensha milimo yakwe cabululami.

Kulumbaisha 37:23

Mwaami Lesa ulatanjilila bantu kuya munshila iyo njebeelete kweendaamo, alimwi ulafuna baabo bamusangalasha.

Tushimpi 2:20

Paceebo ceeci koendela munshila sha bantu bali kabotu akukonkela nshila sha baluleme.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Luka 23:50

Kwakalinga muntu wiitwa ayi Josefu wakalinga kwikala mundabala ya Alimateya mucishi ca Judeya. Wakalinga muntu uli kabotu ulemekwa,

Milimo ya Batumwi 11:24

Banabasi wakalinga muntu kabotu utanjililwa aMushimu Usalashi alimwi wakalinga kucite lushomo lunene. Mpeeke bantu baanji bakashoma muMwaami Jesu.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

Joshuwa 1:6

Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”