2 Makani 18:8 - Baibo Busansulushi Bwa Libuku Ili

⁸ Lyalo Aabu mwaami wa bene Isilaeli wakeeta wacinenenene wakwe womwi akumwaambila ayi aye akeete Mikaya cakufwambaana.

2 Makani 18:8 Marejeleo ya Msalaba

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

1 Baami 22:9

Lyalo Aabu mwaami wa bene Isilaeli wakeeta wacinenenene wakwe womwi akumwaambila ayi aye akeete Mikaya cakufwambaana.

1 Makani 28:1

Mwaami Defedi wakeeta bacinenenene bene Isilaeli boonse ayi babungane muJelusalemu. Wakeeta bamatanjilili ba mikowa, bamatanjilili ba makoto a beshikweendelesha mulimo wa bwaami, bamatanjilili ba bashilumamba bali cuulu aba bali mwaanda, beshikweendelesha buboni boonse ashifubwa shoonse sha mwaami abana bakwe, bacinenenene ba kuŋanda ya bwaami, basankwa bapukite alimwi abashilumamba boonse batacite boowa.

2 Makani 18:7

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

2 Makani 18:9

Bamaami boonse bobilo bakalinga kufwete mingaanjo yabo ya bwaami kabashiite pashuuna sha bwaami, palubansa lwakulupwitaawo kufwaafwi amwinjililo wa ndabala ya Samaliya. Balaluki abo bakalinga kulaluka kunembo lyabo.

Isaya 39:7

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

Danyelo 1:3

Kuswawaawo mwaami Nebukadinesa wakalwiita Ashipenasi uyo wakalinga wacinenenene munene mubwaami bwakwe ayi asale bacikula bwangu basankwa kuswa kubene Isilaeli abo bakesa busha. Basankwa abo balyeelete kuba bana ba baami alimwi abana ba bacinenenene.

1 Samwelo 8:15

Ulaakunoobwesa calikumi ca shili anga ngamaila aminyansa kwaamba ayi ape beshikumucafwa abacinenenene bakwe bamwi.