2 Makani 18:5 - Baibo Busansulushi Bwa Libuku Ili

⁵ Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

2 Makani 18:5 Marejeleo ya Msalaba

1 Baami 12:9

Wakabeepusha ayi, “Amumpandeeko maano. Ino bantu aba baŋambila ayi, ‘Muubye mikuli yesu,’ inga ndabakumbula ayinshi?”

1 Baami 18:19

Ono amwiite bene Isilaeli boonse kwaamba ayi tukumane kuKalundu ka Kamelo. Mulete abalaluki bakwe Baali bali 450 alimwi abalaluki bali 400 bakwe Ashela lesa mwanakashi abo balya abaJesebelo bayoosha ba kubwalo.”

1 Baami 4:13

Beni Geba wakalinga kweendelesha ndabala inene ya Lamoti mucishi ca Gilyadi, amishi ya muGilyadi yakalinga ya mukowa wakwe Jeya wamulunyungu lwakwe Manase. Wakalinga kweendelesha amusena wa Agobu mucishi ca Bashani. Mandabala anene ayo oonse akalinga 60. Yomwi ayomwi kaishingulushitwe alubumbu ashisasa sha paminjililo sha nshimbi sha bulonse.

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

2 Makani 18:14

Mpeeke mulaluki ndyaakashika mukubonekela kumwaami Aabu, mwaami wakamwiipusha ayi, “Mikaya, sa nebo amwaami Jeoshafati tuye tukalwaane ndabala ya Lamoti nabi sobwe?” Mikaya wakakumbula ayi, “Kamuya mukalwaane! Ee, mulaakwiikoma. Mwaami Lesa ulaakumupa coolwe cakukoma.”

2 Makani 18:4

Ono Jeoshafati wakaamba alimwi ayi, “Atutaangune twiipushe Mwaami Lesa.”

2 Makani 18:6

Sombi Jeoshafati wakeepusha ayi, “Sa taaku mulaluki aumwi ngweenga tweepushilaamo Mwaami Lesa mbwaatooyeeya?”

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 42:20

ayi mutoocita cilubo ceenga camucaisha. Mwebo mwakantuma kuMwaami Lesa, Lesa wanu akwaamba ayi, ‘Amutupailileeko kuli nguwe akutulwiita shoonse nsheshi aambe aswebo tulaakushicita.’

Esekelo 13:22

“Mwebo mwakalengesha bantu baluleme kutyongola ceebo ca bubeshi bwanu nabi nebo nshina kubaletelawo mapensho. Mwakayuminisha bamucita shibi ayi bataswi kunshila shabo shibiibi mukupulusha buumi bwabo.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

2 Timoti 4:3

Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.