2 Makani 18:10 - Baibo Busansulushi Bwa Libuku Ili

¹⁰ Mulaluki umwi Sedekiya mwanaakwe Kenaana wakapanga meeca anshimbi akulwiita Aabu ayi, “Mwaami Lesa waamba ayi, ‘Mulaakulwana bene Silya anga ngumucende ucite meeca anshimbi akubakoma.’ ”

2 Makani 18:10 Marejeleo ya Msalaba

1 Baami 22:11

Mulaluki umwi Sedekiya mwanaakwe Kenaana wakapanga meeca anshimbi akulwiita Aabu ayi, “Mwaami Lesa waamba ayi, ‘Ici nceshi mukalwanisheeko bene Silya akubakoma.’ ”

2 Makani 18:11

Balaluki bamwi boonse bakaamba makani ngomunya aya ayi, “Kamuya mukalwane bene Lamoti alimwi mulaakubakoma. Mwaami Lesa ulaakumupa coolwe cakukoma.”

2 Makani 18:9

Bamaami boonse bobilo bakalinga kufwete mingaanjo yabo ya bwaami kabashiite pashuuna sha bwaami, palubansa lwakulupwitaawo kufwaafwi amwinjililo wa ndabala ya Samaliya. Balaluki abo bakalinga kulaluka kunembo lyabo.

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 23:21

Nebo nshikwe kutumaawo balaluki aba, nakubi boobo bakalitumabo beene beenka. Nshikwe kubandikaabo, nakubi boobo balo bakalaluka.

Jelemiya 23:25

“Ndanyumfwa balaluki nshebaamba abo balaluka shabubeshi muliina lyangu. Balaamba ayi, ‘Ndaloota! Ndaloota!’

Jelemiya 23:31

Ee, ndipatite abalaluki baamba sha mumitwi yabo beene akwaamba ayi shaswa kuli ndime neMwaami Lesa.

Jelemiya 27:2

“Bwesa shitolopo ashiceyi upange lijoko akulyaanga munshingo.

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Esekelo 13:7

Nebo ndabalwiita ayi, ‘Shili anga nshiloto nshemubona nshabubeshi alimwi ashintu nshemulaluka nshakucenjeeka. Mwebo mulaamba ayi ayo ngamaswi angu, sombi nshikwe kubandikawo kuli ndimwe.’

Esekelo 22:28

Balaluki abalo balashisa shibiibi ishi anga ngumuntu utooshingula lubumbu abulongo butuba. Balabona shili anga nshiloto shabubeshi alimwi ashisondo shakubeca akwaambila bantu. Balaamba ayi batokwaamba maswi aMwaami Lesa Shinkusu shoonse, sombi nebo neMwaami Lesa kaantana kwaambaabo.

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.