2 Makani 16:9 - Baibo Busansulushi Bwa Libuku Ili

⁹ Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

2 Makani 16:9 Marejeleo ya Msalaba

Matalikilo 31:28

Tookwe kumpa aciindi kwaamba ayi ndashe bashikulu bangu abana bangu calusuno. Tookwe kucitawo cintu ca maano!

2 Samwelo 24:10

Pesule bantu ndibakamana kubelengwa, Defedi wakapenshekwa mumoyo abuumbi. Lyalo wakapaila kuMwaami Lesa ayi, “Ndabiisha abuumbi kucita cintu ici. Ono noBaami baLesa ndaseenga kwaamba ayi mulekelele cibiibi cangu nebo nemusebenshi wanu, mukwiinga ndaciita cintu cabuluya.”

1 Baami 15:32

Asa mwaami wa bene Juda alimwi aBaasha mwaami wa bene Isilaeli bakalinga mbeshikulwanabo muciindi coonse cakulela kwabo.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

1 Makani 21:8

Mpeeke Defedi wakaambila Lesa ayi, “Ndabiisha abuumbi kucita cintu ici. Ono ndaseenga kwaamba ayi mulekelele cibiibi cangu nebo nemusebenshi wanu mukwiinga ndaciita cintu cabuluya.”

2 Makani 15:17

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

2 Makani 15:19

Tekwakalingawo nkondo kushikila mumwaaka wamakumi otatwe amyaaka yosanwe mubwaami bwakwe Asa.

2 Makani 16:10

Ici cakakalasha Asa abuumbi cakwaamba ayi mulaluki uyo wakamwaanga akumubika muntolongo. Ici cakalinga nceciindi Asa ndyaakatalika kupensha bantu bamwi calunkutwe.

2 Makani 19:9

Wakabaambila ayi, “Mulyeelete kuloonda Mwaami Lesa, kumusebensela camyoyo yoonse akushomeka kuli nguwe mushintu shoonse nshemucita.

2 Makani 6:20

Kamulama Ŋanda yanu iyi mashiku amalumwi ceebo mwakashomesha ayi mumusena uyu mweshi mukanoolambililwa. Kamunyumfwila na ndalanga kuŋanda yanu pakupaila.

Esila 5:5

Sombi Lesa wabo wakalinga kulama bamaloba ba baJuda alimwi tabakwe kubeemika kusebensa kulindila ayi batume maswi kumwaami Dalyasi akunyumfwa mbweshi akumbule.

Jobo 28:24

ceebo lakwe ulabona akweela cishi alimwi akubona shoonse shili kuunshi lya liculu.

Jobo 31:4

Lesa ulishibwene nshila shangu shoonse alimwi ulalangishisha nyendelo shangu shoonse.

Jobo 34:21

“Meenso akwe alabona nshila sha muntu shoonse. Ndushinisho lakwe ulabona moonse mobalyata.

Kulumbaisha 113:6

Lakwe ngookotama akulanga panshi ayi abone maculu acishi ca panshi.

Kulumbaisha 33:14

Boonse bashiite pacishi ca panshi ulababona kuswa pacuuna cakwe ca bwaami.

Kulumbaisha 33:15

NguLesa uyo wakabapa tulango twabo, alimwi shoonse nshebacita ulishishi.

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Kulumbaisha 37:37

Amuyeeye muntu utacite kampenda, ululeme. Muntu shiluumuno ulaakuba abamulunyungu bakwe.

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

1 Bene Kolinto 15:36

Webo omuntu muluya! Ndyooshanga mbuto, sa te ilataanguna yafwa keetana kumena?

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

1 Pita 3:12

mukwiinga Mwaami Lesa ulalama baluleme alimwi ulakumbula mipailo yabo, sombi ulipatite bantu bacita bubi.”

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.