2 Makani 16:7 - Baibo Busansulushi Bwa Libuku Ili

⁷ Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

2 Makani 16:7 Marejeleo ya Msalaba

1 Baami 15:19

“Atupangane bushicibusa bweenka bamashali besu mbobakacita. Silifa alimwi agolodi iyo ncipo kuli ndimwe. Ono amucileeke kunyumfwana amwaami Baasha mwine Isilaeli kwaamba ayi akushe bashilumamba bakwe mucishi cangu.”

1 Baami 16:1

Lyalo Mwaami Lesa wakaambila mulaluki Jewu mwanaakwe Anani makani akushinina Baasha ayi,

1 Baami 16:7

Makani akaswa kuMwaami Lesa akushinina Baasha abamuŋanda yakwe akaambwa kwiinda mumulaluki Jewu mukwiinga wa shibiibi isho nshaakacita kuMwaami Lesa. Wakasonkomona bukali bwa Mwaami Lesa, kuteshibo ceebo ca bubi ubo mbwaakacita mbweeke bwakacita mwaami Jeloboamu, sombi aceebo cakucaya bamuŋanda yakwe Jeloboamu boonse.

2 Baami 18:5

Esekiya wakalinga kucinkite manungo muMwaami Lesa, Lesa wa bene Isilaeli. Bene Juda tabakwe kubaawo amwaami uli mbuli wooyo kaatana kuba mwaami nabi kuswa ciindi ico.

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

2 Makani 13:18

Munshila iyi bene Juda bakakoma bene Isilaeli mukwiinga bakalinga kucinkite manungo muMwaami Lesa, Lesa wa bamashali babo bakulukulu.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 16:6

Lyalo mwaami Asa wakabunganya bantu kuswa mucishi coonse ca Juda akubaambila ayi bayumune mabwe amapulanga ayo Baasha ngaakalinga kusebensesha kuLama. Mpeeke bakaasebensesha kuyaka malinga kundabala ya Geba alimwi aya Misipa.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Makani 20:32

Wakacita shiluleme pameenso a Mwaami Lesa bweenka bwakacita baishi baAsa bataanshi pali nguwe.

2 Makani 20:34

Shintu shoonse shimwi shakacita Jeoshafati mubwaami bwakwe kuswa kumatalikilo kushikila kumeelelesho, shililembetwe mulibuku lyakwe Jewu mwanaakwe Anani. Libuku ili ncipansha ca libuku lya buumi bwa bamaami ba bene Isilaeli.

2 Makani 24:24

Nabi bene Silya bakalinga baniini mumweelo, Mwaami Lesa wakabalengesha kukoma bashilumamba baanji bene Juda mukwiinga balo bakafutatila Mwaami Lesa, Lesa wa bamashali babo bakulukulu. Munshila iyi Joashi wakapekwa mulandu.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 39:3

Mpomunyaawo Isaya mulaluki wakaya mukwiipusha mwaami Esekiya ayi, “Ino bantu balya baswa kuli alimwi baamba ayinshi?” Esekiya wakakumbula ayi, “Baswabo kulaale, kucishi ca Babiloni.”