2 Makani 15:8 - Baibo Busansulushi Bwa Libuku Ili

⁸ Asa ndyaakanyumfwa kulaluka kwakwe Asaliya mwanaakwe Odedi, wakayuminishikwa. Wakanyonyoola shibumbwabumbwa shoonse sha mucishi ca Juda aca Benjameni kubikaawo ashibumbwabumbwa isho shakalinga mumandabala ayo ngwaakakoma mucishi ca tulundu ca Efuleemu. Wakayakulula cipaililo ca Mwaami Lesa ico cakalinga kunembo lya mwinjililo wa Ŋanda yakwe Lesa.

2 Makani 15:8 Marejeleo ya Msalaba

1 Baami 11:5

Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.

1 Baami 11:7

Pakalundu, kwicwe lya Jelusalemu wakayaka musena wakulambililawo Kemoshi lesa wa bene Moabu ulensha bunya amusena wakulambililawo Moleki lesa wa bene Amoni ulensha bunya.

1 Baami 15:9

Mumwaaka wamakumi obilo wa bwaami bwakwe Jeloboamu mucishi ca Isilaeli, Asa wakaba mwaami wa cishi ca Juda.

2 Baami 16:14

Cipaililo cakapangwa abulonse cakabengwa kuMwaami Lesa cakalinga pakati ka cipaililo cipya aŊanda yakwe Lesa. Lyalo Aasi wakacisenya kumatwa acipaililo cipya.

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

2 Baami 23:13

Josiya wakanyonyoola shipaililo isho shakayaka Mwaami Solomoni kwicwe lya Jelusalemu kumalenge aKalundu ka Kunyonyoolwa, isho shakalinga kusebenseshekwa pakulambila shibumbwabumbwa shilensha bunya. Nkokwaamba ayi kulambila Ashitaloti lesa mwanakashi wa bene Sidoni, Kemoshi lesa wa bene Moabu, alimwi aMoleki lesa wa bene Amoni.

2 Makani 13:19

Mpeeke Abija wakakonkela Jeloboamu akubwesa mandabala amwi akwe mbuli Betelo, Jeshana, Efuloni alimwi amishi yakalinga kushingulukite mandabala anene ayo.

2 Makani 17:2

Wakabika bashilumamba mumandabala oonse a bene Juda ayo akalinga kucite malinga, mandabala amwi a mucishi ca Juda alimwi amumandabala ayo Asa ngwaakakoma mucishi ca Efuleemu.

2 Makani 19:11

Amaliya mupailishi munene ngweshi akanoomweendelesha mukoombolosha milandu ikumya kuMwaami Lesa, alakwe Sebadiya mwanaakwe Ishimaeli, mweendeleshi wa bene Juda ulaakunoomweendelesha mukoombolosha milandu ikumya kumwaami wanu. Bene Lefi balo balicite mulimo wakubona ayi shintu shaambwa munkuta shitokweenda kabotu. Kamucita shintu cakubula boowa akucita kweelana amilasho iyi. Mwaami Lesa aabe abaabo bacita shiluleme!”

2 Makani 19:4

Nacibi kwaamba ayi mwaami Jeoshafati wakalinga kwikala kuJelusalemu, wakalinga kweenda lyoonse pakati ka bantu kuswa kuBiyasheba kumalenge kuya mukushika akucishi ca tulundu ca Efuleemu kumatwa. Wakacita boobo kwaamba ayi anokwiita bantu kwisa kuMwaami Lesa, Lesa wa bamashali babo bakulukulu.

2 Makani 29:18

Mpomunyaawo bene Lefi bakaya kumwaami Esekiya mukuluula ayi, “Twamanisha kusalasha Ŋanda yakwe Lesa yoonse kweelana aMilawo. Twakasalasha cipaililo ca milambu yakutenta ashisebensesho sha ncico, tebulu yakubikaawo shimaande shipekwa kuli Lesa ashisebensesho sha njiyo.

2 Makani 4:1

Mwaami Solomoni wakayaka cipaililo ca bulonse cakalinga mamita ali 9 mumbasu shoonse alimwi amamita 4.5 kuya mwiculu.

2 Makani 8:12

Mpomunyaawo Solomoni wakabenga milambu yakutenta kuMwaami Lesa pacipaililo ico ncaakayaka kunembo lya Ŋanda yakwe Lesa.

Isaya 44:14

Cimwi ciindi inga watimbula cisamu ca sida ayi asebenseshe, nabi mubanga nabi cisamu ca paini kuswa mumusaansa. Cimwi ciindi inga washangabo cisamu ca paini ciitwa ayi laulelo akulindila mfula ayi ilokeleewo kwaamba ayi cikule.

Isaya 65:4

Mashiku balaya kushimfwengo akushuumbwe mukucebusha kubafu. Balalya nyama ya nkumba akunwa musushi wa nyama itasalalite.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Esekelo 8:10

Aboobo ndakenjila, ndalangalanga akubona lubumbu loonse kalutalitwe nsoka ashinyama shitasalalite kweelana aMilawo. Mwakalinga kutalitwe ashibumbwabumbwa shoonse bene Isilaeli nshebakalinga kulambila.

Bene Lefi 18:30

“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Milimo ya Batumwi 28:15

Bashomi ba kuLoma ndibakanyumfwa ayi tuli munshila, bakeenda kwisa mukutucinsha kushikila akumusena wiitwa ayi Mushika wa Apyasi, abalo bamwi kumusena wiitwa ayi Maanda Otatwe a Beensu. Paulo ndyaakababona, wakalumba Lesa alimwi ici cakamuyumyayumya.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.