2 Makani 15:2 - Baibo Busansulushi Bwa Libuku Ili

² Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 15:2 Marejeleo ya Msalaba

1 Baami 11:25

Lesoni wakalinga kupatene abene Isilaeli ciindi Solomoni kacili muumi kwiilika pamapensho akalinga kulengeshekwa aAdadi.

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

2 Baami 21:14

Ndaakufutatila abo beshi bakacaaleewo akubaaba mumaansa a balwani babo. Balwani abo balaakubakoma akusaala cishi cabo.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

2 Makani 11:12

Shimwi nshaakabikaamo ngamayawo amasumo. Munshila iyi wakalengesha cishi ca Juda aca Benjameni kuba mumaansaakwe.

2 Makani 12:5

Lyalo Shemaya mulaluki wakaya kuli Leoboamu akubamatanjilili ba bene Juda abo bakabungana muJelusalemu ceebo cakuloonda Shishaki. Mpeeke wakabaambila ayi, “Mwaami Lesa waamba ayi, ‘Mwanshiiya, aboobo anebo ntoomushiya mukumwaaba kuli Shishaki.’ ”

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

2 Makani 13:4

Abija wakeemikana paKalundu ka Semalaimu mucishi ca tulundu ca Efuleemu akwaamba ayi, “Webo Jeloboamu anobene Isilaeli, amunkutike!

2 Makani 15:15

Bene Juda boonse bakalinga kukondetwe mukwiinga bakapanga cipangano amyoyo yabo yoonse. Bakalambila Mwaami Lesa cakusangalala alimwi alakwe wakabatambula akubapa luumuno kumbasu shoonse.

2 Makani 15:4

Sombi ndibakaba amapensho, bakasandukila kuMwaami Lesa, Lesa wa bene Isilaeli. Bakamuyandoola akumucana.

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

2 Makani 24:20

Mpomunyaawo Mushimu wa Mwaami Lesa wakaselukila Sekaliya mwanaakwe Jeoiyada mupailishi. Mpeeke wakeemikana kunembo lya bantu boonse akwaamba ayi, “Lesa utoomwiipusha ayi, ‘Nciinshi calengesha ayi mukake kukonkela milawo yangu? Mwaliletela mapensho pamitwi yanu! Ceebo cakwaamba ayi mwamfutatila, anebo ndamushiya!’ ”

2 Makani 26:5

Muciindi coonse ca buumi bwakwe Sekaliya uyo wakalinga kumwiishako makani akwe Lesa, wakalinga kusebensela Mwaami Lesa cakushomeka. Aboobo Lesa wakamulengesha kuswitilila.

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

Esila 8:22

Ndakalisenda kusenga mwaami bashilumamba nabi beshimaaki bakutufuna kubalwani besu munshila, mukwiinga twakaambila mwaami ayi, “BaLesa bali abaabo boonse babashoma, sombi balicite bukali bunene kubaabo babakaka.”

Kulumbaisha 34:4

Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.

Kulumbaisha 53:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Isaya 7:13

Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Jelemiya 2:17

Aya mapensho mwaliletelabo nobene ceebo cakusuula Mwaami Lesa, Lesa wanu uyo wakalinga kumutanjilila munshila shanu shoonse.

Amosi 5:14

Kamuyandoola shibotu kuteshi shibiibi kwaamba ayi mwikale ciindi cilaamfu. Lyalo Mwaami Lesa Shinkusu shoonse ulaakunooli amwebo bweenka mbomwaamba lyoonse ayi tuli akwe.

Sekaliya 1:3

Sombi ntoomulwiita mwebo ayi, ‘Amusandukile kuli ndime anebo nsandukile kuli ndimwe.

Shakubelenga 14:42

Mutayiiko mukwiinga Mwaami Lesa taabete amwebo alimwi balwani banu batoomukoma.

Shakubelenga 14:43

Pakunoolwana abene Amaleki alimwi abene Kenani, mutoofwita munkondo. Mwaami Lesa taabete amwebo ceebo mwakaaka kumukonkela.”

Mateyo 13:9

Lyalo Jesu wakabaambila ayi, “Uyo ucite matwi aanyumfwe!”

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Bene Ebulu 10:38

Bantu bangu abo baluleme balaakunshoma akuba abuumi. Sombi na umwi akaboole pesule, teshi nkakoondwe muli nguwe.”

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Joshuwa 22:31

Mpeeke Fineyasi mwanaakwe Eliyasa mupailishi wakabaambila ayi, “Sunu tweshiiba ayi Mwaami Lesa uli aswebo mukwiinga tamukwe kucita ceeci mukufutatila Mwaami Lesa. Anu bulya bene Isilaeli mwabafuna kuswa kubukali bwa Mwaami Lesa.”

Joshuwa 24:20

Na mukafutatile Mwaami Lesa akusebensela balesa beensu, ulaakukalala akucita cintu ciyoosha pali ndimwe. Ulaakumunyonyoola nakubi kwaamba ayi lyoonse wakalinga kumucitila shintu shibotu.”

Ciyubululo 2:11

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, lufu lwabili teshi lukamukumyeewo.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 3:13

“Uyo ucite matwi, aanyumfwe sheesho Mushimu Usalashi nshootokwaambila shoonde!

Ciyubululo 3:22

“Uyo ucite matwi, aanyumfwe sheesho Mushimu Usalashi nshootokwaambila shoonde!”

Ciyubululo 3:6

“Uyo ucite matwi, aanyumfwe sheesho Mushimu Usalashi nshootokwaambila shoonde!

Boomboloshi 10:13

Sombi nebo nendakamucafwa mwakamfutatila akutalika kusebensela balesa bamwi. Aboobo ndakaaka, teshi mufuneewo alimwi, sobwe.

Boomboloshi 9:7

Ono Jotamu ndyaakanyumfwa boobo, wakaya paKalundu ka Gelisimu akoolobesha ayi, “Amunyumfwe mwebo nobantu ba kuShekemu, kwaamba ayi alakwe Lesa amunyumfwe.

1 Samwelo 12:14

Shintu shoonse shinanoomweendela kabotu na munoolemeka Mwaami Lesa, Lesa wanu, munoomusebensela, munoomukutika alimwi akunoonyumfwila milawo yakwe. Nkokwaamba ayi mwebo amwaami wanu na mwamukonkela.

1 Samwelo 12:15

Ono na mukabule kunookutika Mwaami Lesa, alimwi akutakonkela milawo yakwe, ulaakuba mulwani wanu bweenka mbwaakaba mulwani wa bamashali banu bakulukulu.