2 Makani 15:16 - Baibo Busansulushi Bwa Libuku Ili

¹⁶ Mwaami Asa wakakusha bankambiyakwe banakashi baMaaka pacuuna cabo kuŋanda ya kubwalo mukwiinga bakalinga bapanga cikoshanyo cilensha bunya cakwe lesa mwanakashi Ashela. Asa wakacitimbula akucitenta muCinyika ca Kidiloni.

2 Makani 15:16 Marejeleo ya Msalaba

1 Baami 15:10

Wakalela myaaka makumi one awomwi muJelusalemu. Bankambiyakwe banakashi bakalinga baMaaka bana babo baAbisalomu.

1 Baami 15:2

Wakalela kwamyaaka yotatwe muJelusalemu. Banyina bakalinga baMaaka, bana babo baAbisalomu.

2 Baami 23:12

Mwaami Josiya wakapwaya shipaililo shakalinga shayaka bamaami ba bene Juda paciluli ca ŋanda ya bwaami, peculu lya cipinda ca mwaami Aasi. Wakapwaya ashipaililo shakayaka mwaami Manase mumansa shobilo sha Ŋanda yakwe Lesa. Wakapwayoola shipaililo isho shakaboolabo anga ngumuseese! Mpeeke wakashisowa muCinyika ca Kidiloni.

2 Baami 23:15

Josiya wakanyonyoola musena wakulambililaako muBetelo uyo wakayaka mwaami Jeloboamu mwanaakwe Nebati uyo wakalengesha bene Isilaeli kubisha. Josiya wakapwaya cipaililo, wapwayoola mabwe a ncico tibili ababo anga ndusuko. Lyalo wakatenta cikoshanyo cakwe Ashela.

2 Baami 23:4

Lyalo Josiya wakaambila Ilikiya mupailishi munene, bapailishi bakalinga kucafwa mupailishi munene alimwi abaabo bakalinga kulindilila kumwinjililo wa Ŋanda yakwe Lesa ayi balete shintu shoonse isho nshebakalinga kusebensesha pakulambila Baali, Ashela lesa mwanakashi alimwi anyenyeenshi. Mpeeke mwaami wakatenta shintu isho shoonse kunsengwe lya ndabala ya Jelusalemu, pafwaafwi aCinyika ca Kidiloni. Lyalo wakabwesa milota akwiitola kuBetelo.

2 Baami 23:6

Mpeeke muŊanda yakwe Lesa wakakushaamo cikoshanyo cakwe Ashela lesa mwanakashi, wacikusha mundabala akucitola kuCinyika ca Kidiloni kuya mukucitenta uko. Lyalo wakacipelapela kushikila caba busu akusanseela busu ubo pashuumbwe sha bantubo.

2 Makani 15:17

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

2 Makani 29:16

Mpeeke bapailishi bakenjila muŊanda yakwe Lesa kuya mukwiisalasha. Bakakusha shintu shoonse shatakalinga kusalalite kweelana aMilawo akushibika palubansa lwa Ŋanda yakwe Lesa. Lyalo bene Lefi bakashibwesa akushitola kunsengwe lya ndabala inene kuya mukushishiya kuCinyika ca Kidiloni.

2 Makani 30:14

Lyalo bakakusha shipaililo shoonse nshebakalinga kusebensesha muJelusalemu pakubenga milambu akutenta tununkila kabotu. Kuswawaawo bakaya mukushisowa muCinyika ca Kidiloni.

2 Makani 34:7

Nkokwaamba ayi mubwaami bwakumatwa wakamwayulula shipaililo, shikoshanyo shakwe Ashela lesa mwanakashi, kupwayoola shibumbwabumbwa shimwi ayi shibe busu akupwayoola shipaililo sha tununkila kabotu. Lyalo wakaboolela kuJelusalemu.

Kulonga 32:20

Kuswawaawo wakabwesa mucende mwaana uyo ngobakapanga akumusungulula, wamupelapela waboolabo anga mbusu alimwi akubusanseela pamaanshi, mpeeke wakakakatisha bene Isilaeli ayi banwe.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Sekaliya 13:3

Lyalo na umwi akanoocisuni kulaluka, baishi abanyina balaakumwaambila ayi, ‘Webo ulyeelete kufwa ceebo utoobeca kwiinda mukusebensesha liina lya Mwaami Lesa.’ Muntu wa mushobo uyo bamashali bakwe mwiine balaakumuyasa.

Maako 3:21

Bashikamukowa ndibakanyumfwa boobo, bakanyamuka ayi baye mukumukushaako, mukwiinga bantu bakalinga kwaamba ayi, “Wacinkuka!”

Joni 18:1

Jesu ndyaakamana kupaila wakaswaako abashikwiiya bakwe, wasubuka kalonga ka Kidiloni. Uko kwakalinga muunda uyo Jesu abashikwiiya bakwe mobakenjila.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.

Dutolonomi 9:21

Ndakabwesa cintu ca bubi cilya ncemwakalinga mwapanga, ico cakalinga kuboneka anga ngumucende mwaana, akuciwaala mumulilo. Mpeeke ndakacipwayoola akucipela kuba busu. Lyalo ndakawaala busu ubo mukalonga ako kakalinga kukunka kuswa mukalundu.