2 Makani 15:13 - Baibo Busansulushi Bwa Libuku Ili

¹³ Uli woonse, mwaana nabi munene, musankwa nabi mwanakashi weshi akabule kulambila Mwaami Lesa, Lesa wa bene Isilaeli, ulaakucaikwa.

2 Makani 15:13 Marejeleo ya Msalaba

Matalikilo 19:11

Lyalo bakalengesha basankwa boonse bakalinga pansengwe kuba boofu kwaamba ayi batakonshi kubona cisasa.

1 Baami 18:40

Mpomunyaawo Elija wakabaambila ayi, “Amubacaate balaluki bakwe Baali boonse. Mutasuminishi ayi umwi aye!” Bantu bakabacata boonse. Mpeeke Elija wakabatola kuMulonga wa Kishoni akubacaya boonse uko.

2 Makani 15:14

Muliswi lya peculu bakashomesha cakulumbila muliina lya Mwaami Lesa ayi balaakunoolama cipangano. Lyalo bakoolobesha akulisha mapeenga.

Jobo 3:19

Bantu bapukite abatashibikitwe boonse nkobabete. Musha uko ulyaangulukite kumwaami wakwe.

Jobo 34:19

Lesa taafuninini banaabaami, nabi kufuninina babile akulyatilila bakandu ceebo boonse ngowakabalenga amaansaakwe.

Kulumbaisha 115:13

Ulaakupa coolwe bantu abo bamulemeka, balemekwa abatalemekwi boonse ulaakubapa coolwe.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 22:19

“Musankwa uli woonse wakumana amunyama ulyeelete kucaikwa.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Milimo ya Batumwi 26:22

Sombi Lesa ngooncafwa kushikila asunu, aboobo ndiimfwi pano akupa bukamboni kubantu boonse, balemekwa abantubo. Ntokwaambabo ceenka cakaamba balaluki bakulukulu bamwi aMose. Bakaamba ayi

Dutolonomi 29:18

Ono mucenjele ayi patakabi musankwa, mwanakashi, cipani nabi mukowa uli waano sunu weshi ukafutatile Mwaami Lesa, Lesa wesu akutalika kulambila balesa ba mishobo imwi. Ceebo ici inga caba anga ngumuyanda wasonsa akuba cisamu ca musuku mubi.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.