2 Makani 15:12 - Baibo Busansulushi Bwa Libuku Ili

¹² Bakapanga cipangano ico ncebakasuminishanya kwaamba ayi banoolambila Mwaami Lesa, Lesa wa bamashali babo bakulukulu camoyo woonse abuumi bwabo boonse.

2 Makani 15:12 Marejeleo ya Msalaba

1 Baami 8:48

Na basanduka camoyo woonse kuswa kushibiibi shabo mucishi ico cabusha akupaila kabalangite kucishi cino ncemwakapa bamashali besu bakulukulu, ndabala ino njemwakasala alimwi aŊanda yanu iyo njendakamuyakila,

2 Baami 11:17

Jeoiyada mupailishi wakalengesha ayi Mwaami Joashi abantu boonse bapange cipangano aMwaami Lesa kwaamba ayi babe ba Mwaami Lesa. Wakelengesha alimwi ayi mwaami Joashi abantu bapange cipangano.

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

2 Makani 11:16

Kuswawaawo bene Isilaeli boonse bakalinga kusuni kulambila Mwaami Lesa, Lesa wa bene Isilaeli, bakakonkela bene Lefi kuya kuJelusalemu kwaamba ayi bakabenge milambu kuMwaami Lesa, Lesa wa bamashali babo bakulukulu.

2 Makani 15:4

Sombi ndibakaba amapensho, bakasandukila kuMwaami Lesa, Lesa wa bene Isilaeli. Bakamuyandoola akumucana.

2 Makani 19:3

Nakubi boobo nkoshili shimwi shibotu nshemwacita. Mwakanyonyoola shikoshanyo shakwe Ashela lesa mwanakashi isho bantu nshebakalinga kulambila alimwi mwakeelesha kukonkela kuyanda kwakwe Lesa.”

2 Makani 23:16

Kuswawaawo Jeoiyada mupailishi wakaambila mwaami Joashi kwaamba ayi bantu boonse bacatane mukupanga cipangano kwaamba ayi babe bantu ba Mwaami Lesa.

2 Makani 29:10

“Ono bulya ndayeeya kupanga cipangano aMwaami Lesa, Lesa wa bene Isilaeli kwaamba ayi bukali bwakwe buyoosha bumane pali ndiswe.

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Milimo ya Batumwi 24:14

Sombi ntoosumina pameenso anu ayi ndalambila Lesa wakalinga kulambila bamashali besu bakulukulu kwiinda mukushoma Nshila njebaamba ayi njakubeca. Ndashoma ashoonse shilembetwe muMilawo yakwe Mose alimwi amabuku a balaluki bakulukulu.

2 Bene Kolinto 8:5

Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 29:1

Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Dutolonomi 29:11

banakashi, baana alimwi abaswamashi mbomwikalaabo abo bamutepela nkuni akumutekela maanshi.

Dutolonomi 29:12

Mwebo muli waano sunu ayi musumine cipangano ico Mwaami Lesa, Lesa wanu, ncaatoopanga amwebo mukushomesha cakulumbila,

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.

Joshuwa 24:25

Munshila iyo Joshuwa wakapanga cipangano kubantu abo pabushiku ubo alimwi kuShekemu kweenka uko wakabapa milawo amilasho yakukonkela.