2 Makani 14:11 - Baibo Busansulushi Bwa Libuku Ili

¹¹ Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 14:11 Marejeleo ya Msalaba

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Kulumbaisha 22:5

Bakalinga kumulilila, amwebo mwakalinga kubapulusha. Bakalinga kucinkite manungo muli ndimwe alimwi temwakalinga kubalensha nsoni.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

2 Makani 13:14

Bene Juda bakabona kwaamba ayi babashinguluka. Mpeeke bakalilila Mwaami Lesa ayi abacaafwe. Mpomunyaawo bapailishi bakalisha mapeenga.

Milimo ya Batumwi 2:21

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa.’

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

2 Makani 13:18

Munshila iyi bene Juda bakakoma bene Isilaeli mukwiinga bakalinga kucinkite manungo muMwaami Lesa, Lesa wa bamashali babo bakulukulu.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

Kulumbaisha 120:1

Ndalilila Mwaami Lesa mumapensho angu, ncakwiila alakwe ulancafwa.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulumbaisha 37:5

Lyaabe mumaansa a Mwaami Lesa, cinka manungo muli nguwe alakwe ulaakukucafwa.

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulumbaisha 9:19

Amunyamuke noBaami baLesa, mutalekeleli bantu kumukoma. Amulengeshe mishobo kwiimikana pameenso anu ayi boomboloshekwe.

Kulonga 14:10

Ono bene Isilaeli ndibakabona mwaami Falawo alimwi abashilumamba bakwe kabaya kuli mbabo, bakaloonda abuumbi akulilila Mwaami Lesa ayi abacaafwe.

Joni 14:1

“Myoyo yanu itapengi. Amushome muli Lesa alimwi mushome amuli ndime.

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Boomboloshi 7:7

Lyalo Mwaami Lesa wakaambila Gidyoni ayi, “Ndaakukufuna abantu bali 300 abo banwa maanshi mbuli kabwa alimwi ndaakwaaba bene Midyani mumaansaako. Ono aba bamwi baambile baboolelebo kundabala.”

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Bene Lefi 26:8

Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Milimo ya Batumwi 9:4

Mpeeke wakawita panshi akunyumfwa liswi lyakwaamba ayi, “Saulo, Saulo! Ino utoompensheshanshi?”

Milimo ya Batumwi 3:16

Musankwa uyu ngomubwene alimwi ngomwishi, wayuma kwiinda mukushoma liina lyakwe Jesu. Ncakwiila ndushomo lwakwe muli Jesu lwalengesha kwaamba ayi ayume cancinencine kweelana ambomubwene noonse.

Amosi 5:9

Lakwe ulaleta kunyonyoola pabeshinkusu anga nkalumba akulengesha ndabala icite malinga kunyonyoolwa.

Kulumbaisha 20:5

Tulaakoolobesha cakukondwa bushiku mbweshi mukakome. Muliina lyakwe Lesa wesu tulaakutambika mbembela shesu mwiculu kusekelela kukoma. Mwaami Lesa aakumbule kusenga kwanu koonse.

2 Makani 32:20

Mpomunyaawo mwaami Esekiya amulaluki Isaya mwanaakwe Amosi bakapaila kuli Lesa akumulilila ayi abacaafwe.

2 Makani 20:12

Mwebo ndimwe baLesa besu! Amubape mulandu mukwiinga swebo tatukoonshi kulwana bashilumamba baanji aba. Tatucishi cakucita, sombi tutoolanga kuli ndimwe ayi mutucaafwe.”

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.

Isaya 26:13

NoBaami baLesa, baLesa besu nabi twakalelwaawo kale abamaami bamwi, sombi mwebo nweenka ndimwebo Baami baLesa besu.

2 Makani 18:31

Lyalo ndibakabona mwaami Jeoshafati, balo boonse bakayeeya ayi ngomwaami wa bene Isilaeli. Lyalo bakapiluluka akuyanda kumucaya. Sombi ndyaakoolobesha, Mwaami Lesa wakamufuna akubasoonosha kuli nguwe

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

Dutolonomi 32:27

Sombi ndakaloonda balwani babo kulisumpula akwaamba ayi bakanyonyoola bantu bangu, kakuli ndime ndakabanyonyoola nemwiine.’

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

1 Samwelo 17:47

Boonse babungene waano batooshiba ayi Mwaami Lesa taapulushi bantu kwiinda mukusebensesha mipeeni amasumo. Nkoondo iyi nja Mwaami Lesa, aboobo utoomwaaba noonse mumaanseesu.”

1 Baami 8:44

“Na mwaambila bantu banu kuya mukulwana balwani babo, na kuli koonse nkweenga kababete bapaila kuli ndimwe, kabalangite ndabala inene iyi njemwakasala, aŊanda yanu njendakamuyakila,

2 Makani 14:10

Asa wakaya mukumulwana. Lyalo makoto a bashilumamba oonse obilo bakalibamba mumisena yakulwanina muCinyika ca Sefata kufwaafwi akuMalesha.

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

2 Makani 25:8

Nabi mwaya mwalwana buyani cankusu, Lesa ulaakumwaaba mumaansa a balwani banu mukwiinga ngoocite nkusu shakumucafwa nabi shakumwaaba mumaansa a balwani banu.”

Isaya 10:20

Pabushiku ubo bene Isilaeli beshi bakacaaleewo, nkokwaamba ayi bamulunyungu lwakwe Jakobo beshi bakanoocili boomi, teshi bakanoocicinkite manungo muwooyo wakabakoma. Sombi balaakucinka manungo muMwaami Lesa Usalalite wa bene Isilaeli.

2 Makani 13:15

Lyalo bene Juda bakacita ciyobeyobe ca nkondo akulwana mubutanjilili bwakwe Abija. Mpomunyaawo Lesa wakakoma mwaami Jeloboamu abashilumamba bene Isilaeli.

2 Makani 20:32

Wakacita shiluleme pameenso a Mwaami Lesa bweenka bwakacita baishi baAsa bataanshi pali nguwe.

2 Makani 26:7

Lyalo Lesa wakamucafwa kuya mukukoma bene Filisiti, baAlabu bekala kuGeli Baali alimwi abene Meyuni.

Kulumbaisha 20:8

Balo balaceeshekwa akukomwa, sombi swebo tulasumpuka akushimpa.

Kulumbaisha 22:6

Ono bulya ndi kabwabo, nshicibete muntu. Ndi shikushibulukwabo akusebaanishikwa kubantu.