2 Makani 14:10 - Baibo Busansulushi Bwa Libuku Ili

¹⁰ Asa wakaya mukumulwana. Lyalo makoto a bashilumamba oonse obilo bakalibamba mumisena yakulwanina muCinyika ca Sefata kufwaafwi akuMalesha.

2 Makani 14:10 Marejeleo ya Msalaba

2 Makani 13:18

Munshila iyi bene Juda bakakoma bene Isilaeli mukwiinga bakalinga kucinkite manungo muMwaami Lesa, Lesa wa bamashali babo bakulukulu.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 14:9

Kwakalinga Sela mwine Kushi uyo wakesa mukulwana cishi ca Juda abashilumamba bali 1,000,000 ashikoci shili 300. Wakashika akuMalesha.

2 Makani 26:7

Lyalo Lesa wakamucafwa kuya mukukoma bene Filisiti, baAlabu bekala kuGeli Baali alimwi abene Meyuni.

2 Makani 32:20

Mpomunyaawo mwaami Esekiya amulaluki Isaya mwanaakwe Amosi bakapaila kuli Lesa akumulilila ayi abacaafwe.

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

Kulumbaisha 20:8

Balo balaceeshekwa akukomwa, sombi swebo tulasumpuka akushimpa.

Kulumbaisha 31:15

Nebo lyoonse ndi mumaansaanu. Amumfuune kuswa kubalwani bangu, ee, kuswa kubaabo bampensha.

Kulumbaisha 9:20

NoBaami baLesa amubalengeshe kuloonda akututuma. Amubalengeshe kwishiba ayi mbantubo mbuli bamwi boonse.

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Joshuwa 19:4

Elitoladi, Betulu, Oma,

Boomboloshi 1:17

Mpeeke bene Juda pantu pomwi abene Simyoni bamakwababo bakaya mukukoma bene Kenani bakalinga kwikala kuSefati. Lyalo bakanyonyoola ndabala iyo cakumaninina, mpeeke bakeetumba ayi Oma.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”

1 Samwelo 17:45

Sombi Defedi wakaambila mwine Filisiti uyo ayi, “Webo utoosa mukundwana amupeeni alimwi amasumo. Ono nebo ntookulwana muliina lya Mwaami Lesa Shinkusu shoonse, Lesa wa likoto lya bashilumamba lya bene Isilaeli, uyo ngowanyansha.