2 Makani 13:7 - Baibo Busansulushi Bwa Libuku Ili

⁷ Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

2 Makani 13:7 Marejeleo ya Msalaba

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

2 Makani 10:16

Bantu ndibakabona kwaamba ayi mwaami teshi abanyumfwile, bakoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli amuboolele kumaandaanu! Amuleke wamulunyungu lwakwe Defedi alibonene!” Munshila iyi bene Isilaeli bakakaka Leoboamu kuba mwaami wabo.

2 Makani 12:13

Bwaami bwa mwaami Leoboamu bwakayuma abuumbi muJelusalemu alimwi wakalela kwaciindi cilaamfu. Wakalinga kucite myaaka makumi one awomwi ndyaakaba mwaami alimwi wakalela myaaka likumi ayosanwe ayobilo muJelusalemu, ndabala inene iyo Mwaami Lesa njaakasala pakati ka mikowa yoonse ya bene Isilaeli ayi ibe musena mweshi anoolambililwa. Leoboamu wakalinga mwanaakwe Naama, mwanakashi mwine Amoni.

Jobo 30:8

Lwakalinga ndusubo lutaaku mbolubete. Ndushinisho bakalinga bantu batanditwe mucishi.

Kulumbaisha 26:4

Nebo nsheendi abantu batabete kabotu sobwe, nabi kweenda abantu baamba nshebataciti.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Tushimpi 28:19

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, ulaakuba mukandu.

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Isaya 3:4

Mwaami Lesa ulaakulengesha ayi bantu beendeleshekwe kubanike basankwa. Ee, banike mbweshi bakabe beendeleshi babo.

Milimo ya Batumwi 17:5

Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Dutolonomi 13:13

bantu bamwi bamucita shibi ba mumushobo wanu bayungoola bantu mumandabalaabo ayi balambile balesa abo mbomutakwe kulambilawo kale,

Taitasi 1:10

Ceebo mbaanji baashu abo beshikwaambabo akubeca bantu, bunene bunene abo bamulikoto lya baabo beshikupalulwa.

Bene Ebulu 5:12

Nakubi kwaamba ayi bulya mwalinga kweelete kunooli kale bafundishi, muciyandika umwi shikumwiisha shiiyo shitaanshi sha makani akwe Lesa. Ciindi cakwaamba ayi munoolya shakulya shiyumuyumu, muceeletebo kunwa mukupa.

Boomboloshi 11:3

Mpomunyaawo Jefuta wakacica akushiya bamakwabo akuya mukwikala kucishi ca Tobu. Lyalo wakanyumfwana abasankwa bamwi bataaku mbobabete alimwi batanyumfwi abo bakatalika kumukonkela.

Boomboloshi 9:4

Kuswawaawo bakamupa maali makumi osanwe a silifa kuswa kuŋanda yakalinga kulambililwaamo Baali Beliti. Maali ayo wakaapa bantu batanyumfwi, bataaku mbobabete, kwaamba ayi bamukonkele.

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.