2 Makani 13:14 - Baibo Busansulushi Bwa Libuku Ili

¹⁴ Bene Juda bakabona kwaamba ayi babashinguluka. Mpeeke bakalilila Mwaami Lesa ayi abacaafwe. Mpomunyaawo bapailishi bakalisha mapeenga.

2 Makani 13:14 Marejeleo ya Msalaba

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

2 Makani 18:31

Lyalo ndibakabona mwaami Jeoshafati, balo boonse bakayeeya ayi ngomwaami wa bene Isilaeli. Lyalo bakapiluluka akuyanda kumucaya. Sombi ndyaakoolobesha, Mwaami Lesa wakamufuna akubasoonosha kuli nguwe

2 Makani 32:20

Mpomunyaawo mwaami Esekiya amulaluki Isaya mwanaakwe Amosi bakapaila kuli Lesa akumulilila ayi abacaafwe.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 91:5

Utakaloondi kushintu shiyoosha sheenda mashiku, nabi mifwi iswa kubalwani bako malumwi.

Kulonga 14:10

Ono bene Isilaeli ndibakabona mwaami Falawo alimwi abashilumamba bakwe kabaya kuli mbabo, bakaloonda abuumbi akulilila Mwaami Lesa ayi abacaafwe.

Shakubelenga 10:9

Na mucishi mwesa nkondo, kwaamba ayi mulifuune kubalwani abo besa mukumulwana, mulyeelete kulisha cishibisho ca nkondo mumapeenga aya. Nebo neMwaami Lesa, Lesa wanu ndaakumucafwa alimwi akumupulusha kubalwani banu.

Joshuwa 6:16

Ono ndibakashinguluka lwasanu aobilo, bapailishi ndibakalibambila kulisha mapeenga, Joshuwa wakaambila bantu ayi, “Amoolobeshe! Ceebo Mwaami Lesa waaba ndabala inene iyi mumaansaanu!

Joshuwa 8:20

Ono basankwa ba muAi ndibakalanga kwisule akubona bwiishi bwa ndabala kabusunta mwiculu, bakabula lubasu lwa kucicilaako ceebo bene Isilaeli abo bakalinga kuya cicicila muluyanga, bakapilulukila basankwa abo.