2 Makani 12:7 - Baibo Busansulushi Bwa Libuku Ili

⁷ Ono Mwaami Lesa ndyaakabona ayi bantu abo baliceesha, wakaambila Shemaya alimwi ayi, “Ono ceebo cakwaamba ayi baliceesha, teshi mbanyonyooleewo. Sombi ntoobafuna ca onoono. Bene Jelusalemu teshi bakanyumfwewo cilemeneshi ca bukali bwangu kwiinda muli Shishaki.

2 Makani 12:7 Marejeleo ya Msalaba

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

2 Makani 12:12

Ceebo cakwaamba ayi Leoboamu wakaliceesha, Mwaami Lesa wakabooshaamo moyo pali nguwe. Lyalo taakwe kunyonyoola bwaami bwakwe cakumaninina. Ncakwiila mwakaba luumuno muJuda.

2 Makani 32:26

Kuswawaawo Esekiya abantu ba muJelusalemu bakaliceesha. Lyalo bukali bwa Mwaami Lesa tabukwe kuseluka pali mbabo kushikila mwaami Esekiya ndyaakafwa.

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

2 Makani 34:21

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi a Mwaami Lesa mukutacita kweelana asheesho shoonse shilembetwe mulibuku ili.”

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Makani 34:27

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ono ndanyuumfwa kusenga kwako.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 79:6

Amukalalile mishobo iyo itamulambili, ee, malelo ayo atapaili kuli ndimwe.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.