2 Makani 12:13 - Baibo Busansulushi Bwa Libuku Ili

¹³ Bwaami bwa mwaami Leoboamu bwakayuma abuumbi muJelusalemu alimwi wakalela kwaciindi cilaamfu. Wakalinga kucite myaaka makumi one awomwi ndyaakaba mwaami alimwi wakalela myaaka likumi ayosanwe ayobilo muJelusalemu, ndabala inene iyo Mwaami Lesa njaakasala pakati ka mikowa yoonse ya bene Isilaeli ayi ibe musena mweshi anoolambililwa. Leoboamu wakalinga mwanaakwe Naama, mwanakashi mwine Amoni.

2 Makani 12:13 Marejeleo ya Msalaba

1 Baami 11:1

Mwaami Solomoni wakalinga kusuni banakashi baanji baswamashi. Peculu lya mwanaakwe Falawo mwaami wa kuIjipiti, wakeeba banakashi bene Iti, Moabu, Amoni, Edomu alimwi abene Sidoni.

1 Baami 11:36

Sombi ndaakupa mwanaakwe Solomoni mukowa womwi kwaamba ayi nkabeewo awamulunyungu lwa musebenshi wangu Defedi uyo weshi akanoolela ndabala ya Jelusalemu iyo njendakasala ayi mweshi banoonambilila.

1 Baami 14:21

Leoboamu mwanaakwe Solomoni wakalinga kucite myaaka makumi one amwaaka womwi ndyaakaba mwaami wa cishi ca Juda. Wakalela kwamyaaka ili likumi ayosanwe alimwi ayobilo muJelusalemu, musena uyo Mwaami Lesa ngwaakasala mucishi ca Isilaeli coonse ayi anoolambililwaako. Banyina Leoboamu bakalinga ba Naama bakaswa kuAmoni.

2 Makani 12:1

Kuswabo bwaami bwakwe Leoboamu ndibwakayuma, lakwe abantu bakwe bene Isilaeli bakacileka kukonkela Milawo ya Mwaami Lesa.

2 Makani 13:7

Wakabunganya bantu bataaku mbobabete batanyumfwi abo bakakakatisha Leoboamu mwanaakwe Solomoni kucita mbobakalinga kusuni. Paciindi ico Leoboamu wakalinga mwanike alimwi kaatacite lushibo kwaamba ayi abakakile.

2 Makani 6:5

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo alimwi nshikwe kusalaawo umwi ayi anoolela bantu bangu bene Isilaeli.

2 Makani 6:6

Sombi ono ndasala ndabala ya Jelusalemu kwaamba ayi ibe musena mweshi noolambililwa alimwi ndakasalabo ndiwe Defedi kwaamba ayi ube muleli wa bantu bangu.’ ”

Neyemiya 13:1

Pabushiku ubo Milawo yakwe Mose ndiyakalinga kubelengwa kubantu cakoolobesha, bakashika pamakani akalembwa ayi taaku mwine Amoni nabi mwine Moabu weshi akasuminishikwe kwinjila mulikoto lya bantu bakwe Lesa.

Neyemiya 13:26

Ndakabaambila ayi, “Sa te shikwati sha mushobo uyo nsheshakalengesha Solomoni mwaami wa bene Isilaeli kubisha. Taaku mwaami mushishi shafula wakalinga kweelenaakwe mubulemu. Solomoni wakalinga kusunikwi kuli Lesa wakwe, aboobo wakabikwa pabwaami bwa bene Isilaeli boonse. Nakubi boobo wakabisha ceebo ca banakashi baswamashi.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 23:3

“Taaku mwine Amoni, mwine Moabu nabi umwi wamulunyungu lwabo kushikila akulishalane lyalikumi, weelete kubungana abantu ba Mwaami Lesa.