2 Makani 11:21 - Baibo Busansulushi Bwa Libuku Ili

²¹ Pantu pomwi wakalinga kweebete banakashi bali 18 kubikaawo abakasuwa bali 60. Wakashala baana basankwa bali 28 kubikaawo abaana banakashi bali 60. Pakati ka bamakaakwe boonse aba alimwi abakasuwa bakwe, Maaka ngwaakalinga kusunishi.

2 Makani 11:21 Marejeleo ya Msalaba

Matalikilo 22:24

Leuma, kasuwa wakwe Nawoli, wakashala Teba, Gaamu, Taashi alimwi aMaaka.

2 Samwelo 5:13

Ono Defedi ndyaakaswa muEbuloni akuya muJelusalemu, wakabwesa bakasuwa abamwi alimwi akweeba abamwi banakashi, abo bakamushalila baana abamwi basankwa abanakashi.

1 Baami 11:3

Solomoni wakeeba banaabaami bali 700 alimwi wakalinga kucite bakasuwa bali 300. Banakashi abo bakamulengesha kwaamba ayi ashiye nshila yakwe Lesa.

1 Baami 15:2

Wakalela kwamyaaka yotatwe muJelusalemu. Banyina bakalinga baMaaka, bana babo baAbisalomu.

2 Makani 11:23

Mukucenjela kwakwe, Leoboamu wakapa bana bakwe milimo ipusenepusene. Wakatuma bana bakwe bamwi mushipansha sha cishi ca Juda alimwi aca Benjameni alimwi amumandabala anene akayakilwa malinga. Wakabapa buboni buunji akubeebela banakashi baanji.

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.

Dutolonomi 21:16

pakunokwaabanya baana basankwa buboni, teelete kusalulula. Atakapi mwaana wa mwanakashi uyo ngwaasuni akushiya mwaana musankwa wakwiiya wa mwanakashi ngwaatasuni bunene.

Boomboloshi 8:30

Gidyoni wakalinga kucite baana basankwa makumi osanwe aobilo ceebo wakalinga kweebete banakashi baanji.