2 Makani 11:15 - Baibo Busansulushi Bwa Libuku Ili

¹⁵ Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

2 Makani 11:15 Marejeleo ya Msalaba

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

1 Baami 13:33

Ono Jeloboamu Mwaami wa Isilaeli taakwe kushiya nshila shakwe sha bubi. Wakatolelela kusala bapailishi kuswa kumikowabo ya bantu ayi banoosebensela kushipaililo isho nshaakayaka. Wakalinga kubika mubupailishi kulilabo uli woonse usuni.

1 Baami 12:31

Jeloboamu wakayaka misena yakulambililaako peculu patulundu. Wakasala abapailishi bateshi bamumukowa wa bene Lefi.

Dutolonomi 32:17

Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.

Ciyubululo 16:14

Aba mbobashikaswa bacita shaankamiko. Bashikaswa botatwe aba balaya kubamaami boonse ba mucishi ca panshi mukubayobolola kwaamba ayi bakalwaane pabushiku bunene bwakwe Lesa Shinkusu shoonse.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

1 Baami 14:9

Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

Kulonga 32:31

Lyalo Mose wakaboolela kuMwaami Lesa akwaamba ayi, “Bantu aba bacita cibiibi ciyoosha. Bakapanga lesa wa golodi akumulambila.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

2 Makani 13:8

“Ono bulya mulisuni kulwana bwaami bwa Mwaami Lesa ubo mbwaakabika mumaansaakwe Defedi abamulunyungu lwakwe. Mulicite bashilumamba baanji alimwi mulicite abacende baana ba golodi abo Jeloboamu mbwaakabumba kwaamba ayi babe balesa banu.

2 Makani 13:9

Mwakatandaanya bapailishi ba Mwaami Lesa, bamulunyungu lwakwe Aloni pantu pomwi abene Lefi. Mumusena wabo mwakabikaamo bapailishi baanu nobeene bweenka bucita bantu bamumishobo imwi. Uli woonse weenga waleta mucende alimwi ambelele shisankwa shili shosanwe ashobilo mulamupa mulimo wa bupailishi bwa balesa banu abo bateeshi balesa bancinencine.