2 Makani 10:16 - Baibo Busansulushi Bwa Libuku Ili

¹⁶ Bantu ndibakabona kwaamba ayi mwaami teshi abanyumfwile, bakoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli amuboolele kumaandaanu! Amuleke wamulunyungu lwakwe Defedi alibonene!” Munshila iyi bene Isilaeli bakakaka Leoboamu kuba mwaami wabo.

2 Makani 10:16 Marejeleo ya Msalaba

2 Samwelo 15:13

Ono shinkombe umwi wakesa kuli Defedi akuluula ayi, “Bene Isilaeli bamwi boonse bakashomesha kukonkela Abusalomu.”

2 Samwelo 16:11

Lyalo Defedi wakaambila Abishayi abacinenenene bakwe bamwi boonse ayi, “Amubone, mwanaangu musankwa utoopinga kuncaya, ino inga ceela kuli pawooyu mwine Benjameni! Amumuleeke mwiine ancobole ceebo Mwaami Lesa mbwaamulwiita.

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

1 Baami 11:13

Teshi nkamunyaaye bulelo boonse, sombi ndaakumushiila mukowa womwi ceebo ca musebenshi wangu Defedi alimwi aJelusalemu ndabala inene njendakasala ayi njaangu.”

1 Makani 17:14

Ndaakumupa bweendeleshi pabantu bangu apabwaami bwangu kwalyoonse alyoonse. Buleelo bwakwe teshi bukamaneewo.’ ”

2 Makani 10:17

Nakubi boobo bene Isilaeli abo bakalinga kwikala mucishi ca Juda, wakabalela.

2 Makani 10:19

Kuswabo bushiku ubo bene Isilaeli bakalinga kwikala mubulelo bwakumatwa bakalinga kupatene abamulunyungu lwakwe Defedi.

Kulumbaisha 132:17

Uko nkweshi nkabike womwi pabamulunyungu lwakwe Defedi mwaami shinkusu. Anu ndaakulengesha bwaami bwa mwaami ngondakasala kutolelela pabamulunyungu lwakwe.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Luka 19:14

Ono mbaakalinga kwikalaabo mucishi umo tebakalinga kusuni kwaamba ayi abe mwaami. Aboobo bakatuma nkombe pesule ayi, ‘Swebo tatusuni kwaamba ayi uyo muntu abe mwaami wesu.’

Luka 19:27

Ono balwani bangu abo batakalinga kusuni ayi nebo mbe mwaami wabo, amubaleete kuno mubacaaye kambweneeko!’ ”

Joni 6:66

Abo bakalinga kumukonkela baanji bakashiya Jesu akucileka kumukonkela ceebo ca makani ngomunya aya.

Joni 7:53

Mpeeke boonse bakoonduluka kuya kumaandaabo.

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.

1 Bene Kolinto 15:25

Ceebo Klistu ulyeelete kweendelesha kushikila Lesa akome balwani boonse akulengesha ayi babe mpopakulyata myeendo yakwe.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Boomboloshi 8:35

Alimwi tabakwe kulumba bamuŋanda yakwe Gidyoni pashintu shibotu shoonse nshaakabacitila.

1 Samwelo 20:27

Sombi apabushiku bwabili mumweenshi, musena wakwe Defedi wakacanika ucilibo bwaashi. Mpeeke Saulo wakeepusha Jonasani mwanaakwe musankwa ayi, “Ino nceebonshi mwanaakwe Jese ncaatakwe kusita mukulya anebo ciilo asunu?”

1 Samwelo 22:13

Saulo wakamwiipusha ayi, “Ino webo aDefedi mutoomfwiminashi? Ceebonshi wakamupa cimaande, mupeeni wakalinga wakwe Golyati alimwi akumwiipushisha kuMwaami Lesa? Ono toobwene wangalookila, bulya utooyandoolabo ciindi cakuncailaawo.”

1 Samwelo 22:7

Saulo wakabaambila ayi, “Amukutike mwebo nobasankwa bene Benjameni! Sa mutooyeeya ayi Defedi ulaakumupawo myuunda imwibo aya minyansa? Sa noonse ulaakumulengesha kuba bamatanjilili ba bashilumamba bali shuulu aba bali myaanda?

1 Samwelo 22:9

Ono Dowegi, musankwa mwine Edomu uyo wakalinga kwiimfwi abamatanjilili ba bashilumamba bakwe Saulo palya wakaamba ayi, “Nebo Defedi ndakamubona ndyaakesa kuli Aimeleki mwanaakwe Aitubu musankwa kuNobu.