2 Makani 10:14 - Baibo Busansulushi Bwa Libuku Ili

¹⁴ mbuli mbobakalinga bamulwiita banikenyina. Wakaamba ayi, “Bata bakamupa mikuli ilemu, ono nebo ndaakwiindilishaawo apo. Bakalinga kumuumisha musako, sombi nebo ndaakunoomuumisha mutatula!”

2 Makani 10:14 Marejeleo ya Msalaba

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’

Shikushimikila 10:16

Mapensho kuli ndiwe ocishi cicite mwaami uli anga ngumwanike, alimwi oocite baleli baba akusekelela malumwi amashiku.

Shikushimikila 7:8

Kumana kwa cintu cili coonse nkubotu kwiinda matalikilo a ncico. Kukomenya moyo nkubotu kwiinda kulisumpula.

Shikushimikila 2:19

Ino ngani ushi na muntu uyo ulaakunooli musongo nabi muluya? Nakubi boobo ulaakubwesa shintu shoonse nshendakayuwila pacishi ca panshi alimwi shakaswa mubusongo bwangu. Ici acalo taaku mbocibete.

Tushimpi 17:14

Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Tushimpi 12:5

Miyeeyo ya baluleme ili kabotu, sombi kupanda maano kwa bamucita shibi nkwabubeshi.

Ciyubululo 9:3

Ono mubwiishi momunya umo, mwakaswa nsoshi shakesa mucishi ca panshi akupekwa nkusu shili mbuli sheesho shicite ntalaŋongo.

Ciyubululo 9:5

Tashikwe kusuminishikwa kubacaya, sombibo kubapensha abuumbi kwamyeenshi ili yosanwe. Kucisa kwakalinga kuswa mukupenshekwa uku kwakalingabo anga nkucisa kwa muntu walumwa ntalaŋongo.

Ciyubululo 9:10

Nsoshi ishi shakalinga kucite micila ashakulumishako shili anga nsha ntalaŋongo alimwi mumicila mweenka momwakalinga nkusu shakucisa bantu myeenshi yosanwe.

2 Makani 10:13

Lakwe mwaami wakasuula makani akaamba bamaloba balya akwaamba shishipite kubantu abo

2 Makani 10:15

Cakacitika boobo kweelana akuyanda kwa Mwaami Lesa kwaamba ayi nshaakaambila Jeloboamu mwanaakwe Nebati kwiinda muli Aija mulaluki wa kuShilo, shicitike cancinencine. Nceceeco mwaami Leoboamu ncaatakwe kubikila maano kubantu.