2 Joni 1:4 - Baibo Busansulushi Bwa Libuku Ili

⁴ Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.

2 Joni 1:4 Marejeleo ya Msalaba

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Malaki 2:6

Bakalinga kwiisha shalushinisho, kakutaaku cakubeca nabi comwi. Bakalinga kwikala anebo muluumuno amubululami, alimwi akucafwa baanji ayi basanduke kuswa kushibiibi shabo.

1 Bene Kolinto 13:6

Lusuno talulengeshiiwo muntu kusangalala mububi, sombi mushalushinisho.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Filipi 4:10

Ndisangalete abuumbi muMwaami kwaamba ayi ciindi cilaamfu mbuli ceeci ceenda, mwatalika alimwi kutondesha ayi mulanjeeya. Nshintokwaamba ayi mwakalinga mwacileka kunjeeya, sombi mwebo mwakabulabo ciindi cakwaamba ayi muntondeshe.

1 Joni 2:6

Uyo waamba ayi uli muli Lesa, alakwe ulyeelete kwikala bweenka bwakekala Jesu Klistu.