2 Joni 1:1 - Baibo Busansulushi Bwa Libuku Ili

¹ Nebo nemutanjilili, ntoolembela mwanakashi Lesa ngwaakasala alimwi abana bakwe abo mboonsuni abuumbi. Teshibo ndime neenka neemusuni, sombi abaabo boonse beshi shalushinisho.

2 Joni 1:1 Marejeleo ya Msalaba

Luka 1:3

Shintu shoonse ishi ndakashiipushisha kubaabo bashishi mbuli mboshibete kuswa kumatalikilo, aboobo nkambo, ndayeeya kwaamba ayi nshileembe kweelana amboshikonkene.

Joni 8:32

Lyalo mulaakwishiba lushinisho, alwalo lushinisho ulo lulaakumwaangulula.”

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

Bene Loma 16:13

Ndaansha Lufasi musebenshi muyumu abuumbi mumilimo ya Mwaami alimwi ndaansha banyina abo bakalinga kuncafwa anga ndimwaana wakulishalila beene.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Galatiya 2:5

Sombi tatukwe kubashiilawo musena napaceyi ceebo twakalinga kusuni kwaamba ayi tumusungile lushinisho lwa Makani Abotu.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Galatiya 5:7

Mwakalinga kwisa kabotu abuumbi muMakani Abotu! Ino ngani wakamukasha kunyumfwila shalushinisho?

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

1 Timoti 2:4

uyo usuni kwaamba ayi bantu boonse bakapulushikwe akwishiba shalushinisho.

Bene Ebulu 10:26

Mukwiinga na twatolelela kunoobisha kashanga, sombi katwishi kale lushinisho, taaku mulambu umwi weenga wapekwa kuli Lesa ceebo ca shibiibi shesu.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

1 Pita 5:13

Babyaanu ba mucoonde ca kuBabiloni, abo Lesa mbwaakasala bweenka mbuli ndimwe, bamwaansha. Alakwe Maako uli anga ngumwanaangu, wamwaansha.

1 Joni 2:21

Nshintoomulembela makani aya mukwiinga shalushinisho tamushishi, sombi mukwiinga mulishishi alimwi mulishi ayi taaku bubeshi buswa mulushinisho.

1 Joni 3:18

Nobana bangu, lusuno lwesu lutabibo lwa pamulomo, sombi tulyeelete kubonesha lusuno lwancinencine mumicito yesu.

2 Joni 1:13

Baana ba nankashi yako usalitwe, bakwaansha.

2 Joni 1:5

Ono ndakusenga omwanakashi oosunikwi ayi soonse tusunane. Teshi kwaamba ayi ndakulembela mulawo upya, sombi ngooyo weenka ngotwakalinga kucite kuswa kumatalikilo.

3 Joni 1:1

Nebo nemutanjilili ntoolembela mweensuma Gayasi ngoonsuni abuumbi.