2 Bene Kolinto 8:2 - Baibo Busansulushi Bwa Libuku Ili

² Bantu ba mushoonde isho bakasunkwa abuumbi kumapensho ayo ngobakeendaamo, sombi ceebo bakalinga kusangalete lyoonse, bakalinga kupa shipo amyoyo yabo yoonse, nakubi kwaamba ayi bakalinga bakandu.

2 Bene Kolinto 8:2 Marejeleo ya Msalaba

Tushimpi 11:25

Muntu shikwaaba ulapekwa coolwe cakuswitilila, ucafwa bamwi, ulaakucafwikwa alakwe.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 2:9

Ndakamulembela nkalata ilya ceebo ndakalinga kusuni kumusunka na mulakonsha kunyumfwila mushintu shoonse.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

2 Bene Kolinto 9:11

Ulaakumubilisha cakwaamba ayi lyoonse mwebo nkunoocitabo milimo ya luse. Aboobo bantu baanji balaakulumba Lesa ceebo ca shipo nshetutoobatolela.

2 Bene Kolinto 9:13

Mulimo uyu ulaakutondesha ayi mulashomeka alimwi baanji balaakulumbaisha Lesa ceebo ca mbuli mbomushimikila akunyumfwila bwaamba Makani Abotu apali Klistu. Peculu lya waawo balaakulumbaisha Lesa ceebo mulabaana ambabo akubaana abantu bamwi boonse nshemucite cakusangalala.

Dutolonomi 15:4

“Nacibi boobo, pakati kanu teshi pakabe muntu mukandu nabi womwi. Mukwiinga Mwaami Lesa, Lesa wanu ulaakumupa coolwe cinene abuumbi mucishi ico ncaatoomupa,

1 Bene Tesalonika 1:6

Mwakakonkela bwikaalo bwesu abwa Mwaami Jesu. Nabi mwakalinga mumapensho anene, mwakatambula Makani Abotu cakusangalala uko kuswa kuMushimu Usalashi.

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.