2 Bene Kolinto 7:7 - Baibo Busansulushi Bwa Libuku Ili

⁷ Teshibo kupola kwakwe kwakatuyumyayumya, sombi amakani ngaakaleta ambuli mbomwakamuyumyayumya. Wakatulwiita ayi mwayeeya kumbonaawo, mbomwakoongumana ceebo ca ndime alimwi ambomulibambite kunjimikanina. Bulya ndisangalete abuumbi.

2 Bene Kolinto 7:7 Marejeleo ya Msalaba

Kulumbaisha 141:5

Muntu ululeme na wanguma, ninkumbu. Na wankalalila cilaba anga ngamafuta atilwa pamutwi wangu. Mutwi wangu teshi ukaakakeewo. Sombi mumipailo yangu ndapikisha micito ya bamucita shibi.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 38:18

Ndalyaambilila shibiibi shangu shoonse, ncakwiila shibiibi shangu shanensha nsoni.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Mateyo 26:75

Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.

Mateyo 5:4

“Balicite coolwe abo balila, mukwiinga Lesa ulaakubasangalasha.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Bene Loma 1:12

Cinene ncakwaamba ayi nebo amwebo tukayuminishanye mulushomo ndotucite. Nkokwaamba ayi mulaakuyuma kwiinda mulushomo lwangu anebo kwiinda mulushomo lwanu.

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

2 Bene Kolinto 1:14

sombi ndishi kwaamba ayi kunembo mulaakushinyumfwishisha. Lyalo pabushiku Mwaami wesu Jesu Klistu ndyeshi akese, noonse mulaakulilumbaisha ceebo cesu aswebo ceebo canu.

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

2 Bene Kolinto 2:9

Ndakamulembela nkalata ilya ceebo ndakalinga kusuni kumusunka na mulakonsha kunyumfwila mushintu shoonse.

2 Bene Kolinto 5:2

Nceceeco ncetutongelela ceebo tutooyandishisha ayi Lesa atufwalike ŋanda yesu ya kwiculu iyo.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

2 Bene Kolinto 7:8

Nakubi kwaamba ayi nkalata njindakamulembela yakamulenga buumba, tacikwe kuncisa ayi ndakailemba. Ndakoongumana ndindakanyumfwa ayi nkalata yamulengesha buumba, nakubi kwaamba ayi nkwaciindi ciniinibo.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

Bene Kolose 2:5

Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.

1 Bene Tesalonika 3:6

Ono Timoti waboola kuli ndiswe akutuletela makani asangalasha abuumbi palushomo alusuno lwanu. Watulwiita kwaamba ayi kuyeeya ndiswe kulamulengesha kusangalala alimwi ayi mulisuni kwaamba ayi tukabonaneewo, bweenka aswebo mbotutookumbwa kubonanaawo amwebo.

1 Bene Tesalonika 3:8

Mukwiinga ono tulicite buumi bwancinencine, na muliimfwi cakutaboola pesule muMwaami Jesu.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

Jemusi 5:17

Amubone Elija wakalinga muntu bweenka mbuli ndiswe. Wakapaila kuswa kuunshi kwa moyo kwaamba ayi mfula italoki, ncakwiila taikwe kuloka kwamyaaka yotatwe amusa.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.