2 Bene Kolinto 6:1 - Baibo Busansulushi Bwa Libuku Ili

¹ Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

2 Bene Kolinto 6:1 Marejeleo ya Msalaba

Jelemiya 8:8

Ino inga mwaamba buyani ayi, ‘Tuli basongo mukwiinga tulicite milawo ya Mwaami Lesa?’ Nakubi boobo balembi babeshi balemba milawo iyo cakutashomeka.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 14:3

Sombi batumwi bobilo abo bakekala nshiku shiinji nkomunya uko, kabashimikila makani a Mwaami cakubula boowa. Mpeeke Mwaami Jesu wakatondesha ayi makani aamba paluse lwakwe ngobakalinga kushimikila ngalushinisho, kwiinda mukubapa nkusu shakucita shaankamiko alimwi ashitondesho sha nkusu sha kwiculu.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

Bene Galatiya 2:21

Nshintookaka luse lwakwe Lesa. Ceebo muntu na inga walulamikwa pameenso akwe Lesa kwiinda muMilawo, nkokwaamba ayi Klistu taaku ncaakafwita.

Bene Galatiya 3:4

Sa shoonse shintu shibotu shakamucitila Lesa taaku mboshibete? Nshintooshoma boobo.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

Taitasi 2:11

Ceebo Lesa wakayubulula luse lwakwe ayi bantu boonse bapulushikwe.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.