2 Bene Kolinto 3:1 - Baibo Busansulushi Bwa Libuku Ili

¹ Sa nkokwaamba ayi twatalika kulilumbaisha alimwi? Sa cilaamba ayi tulyeelete kwisa ankalata yakutunsansulula, nabi kubwesa nkalata ya mushobo wooyo kuswa kuli ndimwe kweelana abucita bamwi? Sobwe!

2 Bene Kolinto 3:1 Marejeleo ya Msalaba

Milimo ya Batumwi 18:27

Lyalo Apolosi wakayeeya kuya kuAkeya. Bashomi ba muEfeso bakamuyumya kwiinda mukulemba nkalata yakutola kubashomi ba muAkeya kwaamba ayi bamutambule kabotu. Ndyaakashika, wakacafwa bumbi abo bakalinga kushoma muli Jesu kwiinda muluse lwakwe Lesa.

Bene Loma 16:1

Ntomushibisha kwaamba ayi uyo nankashi yesu muli Klistu Febi, ngumusebenshi wa mucoonde ca kuSenkiliya.

1 Bene Kolinto 10:33

Amucite kweelana ambooncita. Nebo ndeelesha kukondelesha bantu boonse mushintu nsheencita. Nshiyandoolibo sheesho shikonda ndime nemwiine, sombi shikonda boonse kwaamba ayi abalo bapulushikwe.

1 Bene Kolinto 16:3

Lyalo ndaakwisabo, ndaakupa nkalata shakusansulula baabo mbomwakasala akubatuma kuJelusalemu kwaamba ayi bakatole shipo shanu.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 4:15

Nakubi kwaamba ayi mulicite bafundishi bashika kushuulu likumi mubuumi bwanu bwa buKlistu, tamucite bamaishiwanu baanji. Mukwiinga kwiinda muli Klistu Jesu ndakaba ishiwanu ceebo cakumushimikila Makani Abotu.

2 Bene Kolinto 10:12

Tatubete mbuli baabo. Swebo tatukoonshi kulyeeleka nabi kulikoshanisha abaabo balibika mpobatabete. Na balyeeleka bene kubeene akulikoshanisha beene kubeene, ingayi tababete basongo.

2 Bene Kolinto 10:18

Mukwiinga teshi wooyo ulilumbaisha mwiine utambulwa, sobwe. Sombi ngooyo Mwaami Lesa ngwaalumbaisha.

2 Bene Kolinto 10:8

Nakubi kwaamba ayi ndaindilisha paniini kulilumbaisha ceebo ca nkusu nshaakatupa Mwaami Jesu, isho shakumuyaka kuteshi kumumwaya, nshinyumfwi nsoni, sobwe.

2 Bene Kolinto 12:11

Ono ntoocita anga ngumuntu muluya! Sombi ndimwe mwanengesha kuba boobo. Mwebo ndimwe mwakalinga kweelete kunumbaisha ceebo nakubi kwaamba ayi taaku mboombete, sombi abo mbomwaamba ayi, “Batumwi beendaawo,” tabanyindiiwo.

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 5:12

Tatutoolilumbaisha kuli ndimwe alimwi, sobwe. Ncetutoocita nkwaamba ayi mube aceebo cibotu cakulilumbaishilaawo muli ndiswe, ee, kwaamba ayi mube acakukumbula baabo bakondwabo musheesho shiboneka ameenso, kuteshi shili mumoyo wa muntu.