2 Bene Kolinto 2:14 - Baibo Busansulushi Bwa Libuku Ili

¹⁴ Ono aalumbwe Lesa utulengesha kukoma kwiinda muli Klistu. Ulatusebensesha mukulengesha makani apali Klistu kuya koonse koonse anga mbweema bubotu.

2 Bene Kolinto 2:14 Marejeleo ya Msalaba

Kulumbaisha 106:47

NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

Lwiimbo lwakwe Solomoni 1:3

Bweema bwa mafuta ako anunkila kabotu bulasangalasha abuumbi. Liina lyako lilanjibalusha mafuta ako anunkila kabotu. Anu nceceeco bamyooye ncebakusunini!

Esekelo 20:41

Ono pesule lya kumukusha mushishi umo momwakapalanganishilwa akumubunganya pomwi, ndaakusangalala muli ndimwe bweenka mboonsangalala patununkila kabotu uto ntoomuntentela. Lyalo ndyeshi nkalitondeshe ayi ndisalalite pameenso a mishobo imwi yoonse.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Bene Loma 1:8

Ntootaanguna kulumba Lesa kwiinda muli Jesu Klistu ceebo ca ndimwe noonse mukwiinga bantu mucishi coonse batoonyumfwa kwaamba ayi mulashoma muli Jesu Klistu.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Loma 6:17

Ono tulyeelete kulumba Lesa ceebo pakutaanguna mwakalinga basha ba bubi. Ono bulya mulanyumfwila Lesa amyoyo yoonse kwiinda mukukonkela shalushinisho nshemwakeeishikwa.

Bene Loma 8:37

Taaku, sombi mushintu shoonse ishi shitucitikila tulakoma kwiinda muli Klistu utusuni.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

1 Bene Kolinto 15:37

Alimwi tooshangi ciboneka anga nimbuto ndiimena, sombi mbuto iine, na njamaila nabi mbuto ya cishango cimwi.

1 Bene Kolinto 15:57

Sombi aalumbwe Lesa wakalengesha ayi tukome kwiinda muMwaami wesu Jesu Klistu.

2 Bene Kolinto 1:11

kweelana ambomutucafwa mumipailo yanu. Lyalo baanji balaakulumbaisha Lesa mukwiinga wakatupa shoolwe ceebo ca mipailo ya bantu baanji.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

2 Bene Kolinto 9:15

Atulumbe Lesa ceebo ca cipo ncaakatupa, ico nceenga tatukoonshi kusansulula.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

1 Bene Tesalonika 1:8

Bantu baanji baanji, kuteshibo muMakedoniya amuAkeya, bakanyumfwa Makani Abotu apali Jesu. Sombi bakanyumfwa ampuuwo ya lushomo lwanu muli Lesa yamwaika kumisena imwi yoonse. Aboobo taaku nceenga twaambaawo pacikani ico.

1 Bene Tesalonika 3:9

Bulya ceebo canu tulakonsha kulumba Lesa. Twamulumba ceebo cakusangalala nkotucite pameenso akwe ceebo canu.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

2 Timoti 2:2

Maswi oonse ngowakanyumfwa kuswa kuli ndime pameenso a bakamboni baanji, ukaabike mumaansa a bantu bashomeka kwaamba ayi abalo bakeeisheko bamwi.

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”