2 Baami 9:3 - Baibo Busansulushi Bwa Libuku Ili

³ Upuumwite mafuta aya pamutwi wakwe akwaamba ayi, ‘Mwaami Lesa waamba ayi, Ndakunanika mafuta kwaamba ayi ube mwaami wa bene Isilaeli.’ Lyalo ukasweemo cakufwambaana.”

2 Baami 9:3 Marejeleo ya Msalaba

1 Baami 1:34

Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

1 Baami 19:16

Waakumana ukananike Jewu mwanaakwe Nimushi akumupa bwaami bwa cishi ca Isilaeli. Kuswawaawo ukaye ukananike Elisha mwanaakwe Shafati mwine Abelo Mewola ayi apyane ndiwe mubulaluki.

2 Baami 8:13

Mpomunyaawo Asayelo wakeepusha ayi, “Ino nebo nekabwabo inga nkusu ndashicana kuli?” Elisha wakakumbula ayi, “Mwaami Lesa wanjubulwita ayi webo ulaakuba mwaami wa bene Silya.”

2 Baami 9:6

Lyalo bobilo abo bakaya mucipinda. Mpeeke mulaluki uyo wakatila mafuta a olifi pamutwi wakwe Jewu akumwaambila ayi, “Mwaami Lesa, Lesa wa bene Isilaeli waamba ayi, ‘Ndakunanika kwaamba ayi ube mwaami wa bantu bangu bene Isilaeli.

2 Makani 22:7

Lesa wakasebensesha kufwakasha uku kwakwe Aasiya kuli Jolamu kwaamba ayi bwaami bwakwe Aasiya bumane. Aasiya kaacili kooko, lakwe aJolamu bakapolelwa musankwa wiitwa ayi Jewu mwanaakwe Nimushi uyo Mwaami Lesa ngwaakasala ayi anyonyoole bamuŋanda yakwe Aabu.

Kulonga 29:7

Ndyeshi ukabwese mafuta, ukamutilile pamutwi akumunanika.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Mateyo 2:13

Ono basongo balya ndibakaswaako, munjelo wa Mwaami Lesa wakaboneka kuli Josefu muciloto akumwaambila ayi, “Nyamuka utole mwaana abanyina muye kuIjipiti. Mukekaale kweenka uko kushikila nkamwaambile ayi musweeko, mukwiinga Elodi utooyanda kucaya mwaana.”

Mateyo 26:7

Jesu ndyaakalinga kulya, kwakesa mwanakashi umwi wakalinga kucite musaashi wakapangwa kulibwe lya alabasita, kauswite mafuta anunkila kabotu amakwebo ayo ngaakapumwita pamutwi wakwe Jesu.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 15:1

Pesule Samwelo wakaambila Saulo ayi, “Ndime wooyo Mwaami Lesa ngwaakatuma ayi ese akunanike mafuta a bwaami ayi ube mwaami wa bantu bakwe bene Isilaeli. Ono kutika Mwaami Lesa Shinkusu shoonse mbwaamba.”

1 Samwelo 15:17

Samwelo wakaamba ayi, “Nakubi kwaamba ayi wakalibona anga taaku mboobete, sa te wakaba mutanjilili wa mikowa ya bene Isilaeli? Mwaami Lesa wakakunanika mafuta a bwaami kwaamba ayi ube mwaami wa cishi ca Isilaeli.

1 Samwelo 16:2

Sombi Samwelo wakaamba ayi, “Nshikoonshi kuya mukwiinga Saulo cikani ico utoocinyumfwa lyalo utooncaya.” Mwaami Lesa wakaamba ayi, “Nyamunina akapwishi uye waambe ayi, ‘Ndesa mukubenga mulambu kuMwaami Lesa.’

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”