2 Baami 7:1 - Baibo Busansulushi Bwa Libuku Ili

¹ Elisha wakakumbula ayi, “Kutika, Mwaami Lesa waamba ayi, ‘Ciilo ciindi cino, mwebo mulaakuula makilogilamu otatwe a witi wiindaawo kubota nabi makilogilamu osanwe ayomwi a bale palyaali lyomwi lya Silifa kumwinjililo wa ndabala ya Samaliya.’ ”

2 Baami 7:1 Marejeleo ya Msalaba

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

2 Baami 20:16

Mpomunyaawo Isaya wakalwiita mwaami ayi, “Mwaami Lesa Shinkusu shoonse waamba ayi,

2 Baami 4:42

Lyalo bushiku bumwi musankwa umwi wakaswa kuBaali Shalisha, wakaletela Elisha shinkwa wakalinga makumi obilo wakapangwa abale wakutaanguna mumwaaka uyo. Wakamuletela amitwi ya shili anga ngamaila. Elisha wakaambila musebenshi wakwe ayi ape likoto lya balaluki balye.

2 Baami 6:25

Nsala yakakomena ceebo ca ndabala yakalinga kushingulukitwe. Paceebo ceeco mutwi wa mbongolo wakalinga kuulwa maali a silifa ali 80, aalo matyotyoolo a mpolobe kaaulwa maali a silifa ali osanwe

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

2 Baami 7:16

Mpomunyaawo bene Samaliya bakaya mukusaala misumba ya bene Silya. Mpeeke makilogilamu otatwe a witi wiindaawo kubota nabi makilogilamu osanwe ayomwi a bale akalinga kuulishikwa lyaali lyomwi lya silifa bweenka bwakaamba Mwaami Lesa.

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 16:12

“Matongooshi a bene Isilaeli ndaanyumfwa. Ubalwiite ayi macolesha batoolya nyama alimwi macuunsa balaakulya shinkwa kweelana ambobasuni. Lyalo ndyeshi bakeshibe ayi nebo neMwaami Lesa, ndime Lesa wabo.”

Kulonga 8:23

Ndaakupansaanya pakati ka bantu bangu alimwi abantu ba mucishi cako. Caankamiko ici cilaakucitika ciilo.’ ”

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Esekelo 37:4

Mpeeke wakandwiita ayi, “Laluka pamafuwa aya akwaalwiita ayi, ‘Nomafuwa ayumu, amunyumfwe liswi lya Mwaami Lesa!’

Joni 6:9

“Kuli mwanike musankwa kuno ucite shinkwa osanwe atuswi tobilo. Ino inga shacitanshi kubantu baanji bobulya?”

Joshuwa 3:5

Mpomunyaawo Joshuwa wakaambila bantu ayi, “Amulisalashe, mukwiinga ciilo Mwaami Lesa ulaakucita shaankamiko pakati kanu.”

Ciyubululo 6:6

Pesule, ndakanyumfwa cakalinga kunyumfwika anga ndiswi, kuswa pakati pashilengwa shuumi shone isho lyakwaamba ayi, “Cipimo comwi ca witi cakalinga kuulwa maali ayo muntu ngweenga wasebensela pabushiku alimwi shipimo shotatwe sha maila shakalinga kuulwa bweenka ubo. Sombi mutanyonyooli mafuta alimwi awaini.”

1 Samwelo 11:9

Lyalo bakaambila beshinkombe ba kuJabeshi ayi, “Kamuya mulwiite bantu bene mishaanu ayi ciilo lisuba kalitana kushika pakati ka mutwi, mulaakufunwa.” Bantu ba kuJabeshi ndibakanyumfwa makani aya bakasangalala abuumbi

1 Samwelo 15:1

Pesule Samwelo wakaambila Saulo ayi, “Ndime wooyo Mwaami Lesa ngwaakatuma ayi ese akunanike mafuta a bwaami ayi ube mwaami wa bantu bakwe bene Isilaeli. Ono kutika Mwaami Lesa Shinkusu shoonse mbwaamba.”